संत तुकाराम महाराज बीजोत्सव :  आम्ही जातो आमुच्या गावा आमुचा राम राम घ्यावा  

देहूगाव ( प्रतिनिधी ): ‘आम्ही जातो आमुच्या गाता, आमुचा रामराम घ्यावा’ या  अभंगांच्या सुरावटीत श्री क्षेत्र देह येथे रविवारी जगदगुरु श्री संत तुकाराम महाराजांचा  ३७६ वा वैकुंठगमन सोहळा संपन्न झाला . जगद्गुरु संत तुकाराम बीजेनिमित राज्याच्या कानाकोपन्यातून आलेल्या लाखो  भाविकांनी दुपारी बारा वाजता रणरणत्या उन्हात हरिनामाचा गजर केला आणि नांदुरकीच्या झाडावर पुष्पवृ‌ष्टीसह अबीर-बुक्का, पानकूल व तुळशीची उधळण करून तुकोबारायांचे दर्शन घेतले .

      श्रीक्षेत्र देहूगावात गेल्या काही दिवसांपासून  दाखल झालेल्या विविध दिंड्यामध्ये भजन कीर्तनाचे आयोजन करण्यात आले होते . अनेक  वारकरी, भाविकांनी बुधवारी  रात्रभर जागर, गुरुवारी पहाटे काकड आरती, सकाळी महापूजा केली . सर्व दिंड्यात टाळ-मृदंगाच्या साथीने वारकरी भजनात दंग झाले होते.

       मुख्य मंदिरात पहाटेपासून विठ्ठल रुक्मिणी व  संत तुकाराम महाराजांच्या  शिळा मंदिरात तसेच  गोपाळपुरा येथील वैकुंठगमन मंदिरात दर्शनासाठी भाविकांची मोठी  गर्दी होती. बीज सोहळ्याला गुरुवारी (दि.५) पहाटे  तीनपासून काकड आरतीने सुरुवात झाली. पहाटे चार वाजता अध्यक्ष हभप जालींदरमहाराज मोरे व विश्वस्त यांच्या हस्ते श्रींची महापूजा, शिळा मंदिरात महापूजा संपन्न झाली .सकाळी  आठ वाजता वैकुंठगमनस्थळी महापूजा संपन्न झाली . सकाळी १० ते १२ दरम्यान  वैकुंठगमन प्रसंगावर हभप बापूसाहेब मोरे यांचे कीर्तन झाले . सकाळी साडेदहाला मंदिरातून श्रींची पालखीने  वैकुंठगमन स्थळ गोपाळपुराकडे प्रस्थान ठेवले .

मुख्य कार्यक्रम संपल्यानंतर पालखी  मुख्य मंदिराकडे रवाना  झाली.वैकुंठगमन स्थळी झालेल्या कीर्तनाला मावळचे खासदार श्रीरंग बारणे उपस्थित होते .