देहुरोड बाजारपेठेत शिवजयंती सोहळ्यानिमित्त शुक्रवारी मिरवणूक व शोभा यात्रा
देहूरोड : देहूरोड शहर शिवजयंती महोत्सव समितीच्या वतीने शुक्रवारी (दि .६ मार्च ) तिथीनुसार छत्रपती शिवजयंती सोहळा मोठ्या उत्साहाने साजरा करण्यात येणार आहे . श्रींचा अभिषेक पूजा तसेच बाजारपेठेतून पारंपारिक वाद्यांवर मिरवणूक व शोभा यात्रा होणार आहे .
देहूरोड शहर व पंचक्रोशीमधील तमाम शिवभक्त , ग्रामस्थ, व्यापारी व नागरिकांच्या माध्यमातून सालाबादप्रमाणे छत्रपती शिवरायांची जयंती साजरी करण्यात येत आहे . देहूरोड येथील शिवस्मारक समिती व शिवजयंती महोत्सव समिती (देहूरोड शहर) यांच्यावतीने साजरा केल्या जाणाऱ्या शिवजयंती महोत्सवानिमित् सर्व राजकीय पक्ष, संघटना, सार्वजनिक मंडळे, विविध सामाजिक संस्था, आजी-माजी बोर्ड सदस्य , नगरसेवक, पदाधिकारी, देणगीदार तसेच सर्वधर्मीय हितचिंतक मिळून उत्सव साजरा करीत आहोत.
असे असतील कार्यक्रम :
शुक्रवार (दि.६ ) सकाळी ९ ते ९.३० पर्यंत सुभाष चौक – देहूरोड – शिव स्मारक येथील छत्रपती शिवाजी महाराज पुतळ्यास अभिषेक व पूजा उपस्थित मान्यवरांच्या हस्ते होणार आहे .
सकाळी ९.३० ते १० दरम्यान श्री दत्त मंदिर, डॉ. आंबेडकर रोड येथे शिवरायांच्या मुर्तीस अभिषेक व पूजा उपस्थित मान्यवरांच्या हस्ते होणार आहे . शुक्रवारी सायं. ५ ते रात्री १० पर्यंत भव्य मिरवणुक व शोभा यात्रा संपन्न होणार आहे . मिरवणूकीत प्रमुख आकर्षण घोडेस्वार मावळ्यांचे पथक व विविध आकर्षण राहणार आहेत .
मिरवणूक सुभाष चौक , शनि मंदिर , स्वामी विवेकानंद चौक, आंबेडकर रोड दत्त मंदिर-आंबेडकर रोड स्वामी विवेकानंद चौक व्यवहारे गॅरेज, वाल्मिकी महाराज मंदिर , पोर्टर चाळ, छत्रपती शिवाजी महाराज रोड, सुभाष चौक , भाजी मंडई, वृंदावन चौक, आबुशेठ रोड-जुना बँक ऑफ इंडिया , मुंबई पुणे रोड मार्गे स्वामी विवेकानंद चौक येथे येऊन समारोप होणार आहे .
शिवजयंती उत्सव समिती : संदिप बालघरे (अध्यक्ष), सुनिल गायकवाड (कार्याध्यक्ष), चंद्रकांत दाभोळे (उपाध्यक्ष), दिलीप शिंदे (सचिव), रमेश जाधव (खजिनदार) .
