विकासनगर -मामुर्डी  व रावेत परिसरात गणेश जयंती विविध धार्मिक कार्यक्रमांनी  साजरी;

विकासनगर -मामुर्डी  व रावेत परिसरात गणेश जयंती विविध धार्मिक कार्यक्रमांनी  साजरी;  गणेश याग , पाळणा , आरती भजन, प्रवचन, कीर्तनाचे आयोजन 

किवळे : गणेश जयंतीनिमित्त विकासनगर ,  किवळे , साईनगर ,मामुर्डी , रावेत परिसरातील विविध गणेश मंदिरांत विविध धार्मिक कार्यक्रमांसह दिवसभर गणेश याग, पाळणा , भजन, प्रवचन व कीर्तनाचे  आयोजन करण्यात आले होते.  मंदिरांच्या परिसरात आकर्षक रांगोळी काढण्यात आली होती. विविध भागातील गणेश मंदिरांवर व मंदिरांत फुलांची मनमोहक सजावट व आकर्षक विद्युत रोषणाई करण्यात आली होती.  गणेश मंदिरांमध्ये दर्शनासाठी व महाप्रसादासाठी भाविकांनी गर्दी केली होती.

          दांगट वस्ती ( किवळे ) येथील शिवछत्रपती तरुण मंडळ ट्रस्टच्या वतीने सकाळपासून विविध धार्मिक कार्यक्रम आयोजित केले होते .  गणेश मंदिराला फुलांची आकर्षक सजावट केली होती. भाविकांना महाप्रसाद वाटप करण्यात आला.

बापदेवनगर येथील    श्री सिद्धिविनायक मंदिर येथे गणेश सार्वजनिक विश्वस्त समितीच्या वतीने गणेश जयंती व  २२  व्या  वर्धापनदिना निमित्त पहाटेपासून विविध धार्मिक कार्यक्रम आयोजित करण्यात आले होते.  अभिषेक , आरती व गणेश याग संपन्न   झाला.  दिवसभरात विविध  भजनी मंडळाची भजने झाली.

राऊतनगर ( मामुर्डी)  येथील जय गणेश चॅरीटेबल ट्रस्टच्या वतीने  गणेश जयंती व मंदिराच्या वर्धापनदिनानिमित्त  काकडआरती, अभिषेक , होमहवन , गणेशयाग , गणेश जन्मोत्सव ,  सामुदायिक भजन व हरिपाठ संपन्न झाला.  सकाळी गणेश याग, होमहवन दुपारी गणेशजन्म सोहळा संपन्न झाला. दुपारपासून महाप्रसाद वाटप सुरु करण्यात आलं होता.