बीज सोहळ्यासाठी वाहतूक बदल :
चार ते सहा मार्चदरम्यान अनेक मार्ग बंद
देहूरोड : देहूगाव येथे उद्या (दि. ५ मार्च) संत तुकाराम महाराज यांच्या बीज उत्सवानिमित्त राज्यभरातून मोठ्या प्रमाणावर वारकरी, भाविक व नागरिक येणार असल्याने पिंपरी-चिंचवड वाहतूक विभागाकडून ४ ते ६ मार्च दरम्यान वाहतुकीत अनेक बदल केले आहेत.
देहू परिसरात वाहतूक कोंडी टाळण्यासाठी वाहनचालकांनी पर्यायी मार्गांचा वापर करावा, असे आवाहन उपायुक्त विवेक पाटील यांनी केले आहे. वाहनचालकांनी भक्ती-शक्ती चौक, मोईफाटा, एच. पी. चौक, संविधान चौक, कृष्णानगर चौक, कुदळवाडी सर्कल आदी मार्गांचा वापर करावा, असे आवाहन करण्यात आले आहे. स्थानिकांना अंतर्गत रस्त्यांचा वापर करता येणार आहे.
सोहळ्यासाठी हे मार्ग राहणार बंद ..
१ देहूरोड येथील स्वागत कमान (जुना मुंबई-पुणे महामार्ग) ते देहूकडे जाणारा मार्ग (सार्वजनिक बस व दिंडीतील वाहने वगळून)
२ महिंद्रा सर्कल ते फिजुत्सु कॉर्नर/कॅनबे चौक/आयटी पार्क चौकमार्ग.
३ तळेगाव-चाकण रस्त्यावरील देहूफाटा ते देहूगाव मार्ग.
४.आयटी पार्क/कॅनवे चौक ते काळोखे पाटील चौक
५. त्रिवेणीनगर चौक (निगडी) ते तळवडे चौक, डायमंड चौक ते देहू मार्ग.
६. चौदा टाळकरी कमान ते भैरवनाथ चौक -देहू
७ काळोखे पाटील चौक ते देहू मुख्य कमान व परंडवाल चौक.
८.जुना पालखी मार्ग (कंद पाटील चौक ते झेंडेमळा जकात नाका) हा वन-वे करण्यात येणार असून, झेंडेमळ्याकडून कंद पाटील चौकाकडे प्रवेशबंद.
पार्किंगची व्यवस्था …
१ .जुन्या पुणे-मुंबई महामार्गावरील देहूरोड कमान येथून येणाऱ्यांसाठी माळवाडीतील राधाकृष्ण लॉन्स शेजारील मोकळ्या जागेत पार्किंग.
२ .आळंदी-तळवडेमार्गे येणाऱ्या वाहनांसाठी माऊली वजनकाटा, काळोखे पाटील चौक (खंडेलवाल चौक) व गायरान परिसरात पार्किंग व्यवस्था.
३.देहूफाटामार्गे येणाऱ्यांसाठी येलवाडीतील सप्तपदी लॉन्स, येलवाडी शॉपिंग कॉम्प्लेक्स, दिगंबरा डेव्हलपर्स, भगिरथी लॉन्स, तसेच साईराज चौक ते देहूफाटा दरम्यानच्या जागांमध्ये पार्किंगची सोय.
संबंधित ठिकाणी पीएमपीएल बस पार्किंगचीही व्यवस्था करण्यात आलेली आहे.
