गहुंजेतील ब्लॉमिंग इंटरनॅशनल स्कूलमध्ये विज्ञान प्रदर्शन उत्साहात संपन्न
गहूंजे ( प्रतिनिधी) : येथील ब्लॉमिंग इंटरनॅशनल स्कूलमध्ये नुकतेच मोठ्या उत्साहात विज्ञान प्रदर्शन संपन्न झाले . प्रदर्शनात इयत्ता पहिली ते नववीच्या विद्यार्थ्यांनी विविध वैज्ञानिक प्रयोग, मॉडेल्स व प्रकल्प सादर केले.
विद्यार्थ्यांनी सौरऊर्जा, जलसंवर्धन, पर्यावरण संरक्षण, रोबोटिक्स तसेच अवकाश संशोधन यांसारख्या विषयांवर आकर्षक प्रात्यक्षिके मांडली. पालक व शिक्षकांनी विद्यार्थ्यांच्या कल्पकतेचे व मेहनतीचे कौतुक केले.
प्रदर्शनाला डॉ .अशोक नागरकर (वैज्ञानिक – डी.आर.डी.ओ.) , शैलेश कुलकर्णी , अध्यक्ष ॲड निखिल बोडके, संचालक साहेबराव बोडके, दीपक बोडके, सूर्यकांत बोडके , शाळेच्या व्यवस्थापिका पौर्णिमा बोडके, मुख्याध्यापिका विजिला राजकुमार आदी मान्यवर उपस्थित होते.
कार्यक्रमाच्या अध्यक्षांनी उदाहरणाद्वारे मुलांना विज्ञानाची माहिती पटवून दिली .भविष्यात तुम्ही असे वैज्ञानिक बनू शकता, याचे योग्य ते मार्गदर्शन केले.
मुख्याध्यापकांनी विद्यार्थ्यांना विज्ञानाच्या क्षेत्रात पुढे जाण्यास प्रोत्साहित केले . अशा उपक्रमांमुळे विद्यार्थ्यांची वैज्ञानिक दृष्टी विकसित होते, असे मत त्यांनी व्यक्त केले. उत्कृष्ट प्रकल्पांना बक्षिसे देण्यात आली. विज्ञान प्रदर्शनामुळे शाळेत उत्साहाचे वातावरण निर्माण झाले होते.
✍🏻संपादक – देवराम भेगडे
