देहूरोडमध्ये दर गुरुवारी कायमस्वरूपी मोफत आरोग्य सेवा सुरू : महाआरोग्य शिबिर संपन्न
देहूरोड : सामाजिक बांधिलकी जपत आधार हॉस्पिटल मल्टिस्पेशालिटी अँड आय.सी.यू. यांच्या वतीने दर गुरुवारी कायमस्वरूपी मोफत महाआरोग्य शिबिर सुरू करण्यात आले असून गरजू व सर्वसामान्य नागरिकांनी या उपक्रमाचा लाभ घ्यावा, असे आवाहन रुग्णालयाच्या वतीने करण्यात आले आहे.
सद्गुरु शंकरानंद स्वामी यांच्या प्रेरणेने सुरू करण्यात आलेल्या या उपक्रमांतर्गत प्रत्येक गुरुवारी सकाळी ९ ते रात्री ९ या वेळेत मोफत ओपीडी सेवा उपलब्ध राहणार आहे. शिबिरामध्ये ईसीजी तपासणी व रक्तातील साखर तपासणी केवळ १० रुपयांत केली जाणार असून, एक्स-रे व लॅब तपासण्यांवर ५० टक्के सवलत देण्यात येत आहे.
नुकत्याच झालेला शिबीर उद्घाटन सोहळा अभिनंदन महाराज यरगल यांच्या हस्ते संपन्न झाला . यावेळी मनपाचे नगरसेवक निलेश तरस, नगरसेवक धर्मपाल तंतरपाले, किवळेचे माजी सरपंच राजेंद्र नेटके यांच्यासह , निलेशमहाराज , हनुमंत नायडू महाराज आदि . मान्यवर उपस्थित होते.
पहिल्याच दिवशी ७० रुग्णांनी शिबिराचा लाभ घेतला. आधार रुग्णालयातील संचालक मंडळ , डॉ महेश कुदळे , डॉ शीतल कुदळे , डॉ गणेश राऊत तसेच सर्व कर्मचारी यांनी हे शिबीर यशस्वी होण्यासाठी प्रयत्न केले .
आधारचे संचालक डॉ महेश कुदळे , डॉ शीतल कुदळे व डॉ गणेश राऊत यांनी मोफत ओपीडी उपक्रम राबविणार असल्याचे जाहीर केले .मोठ्या संख्येने रुग्णांनी तपासणी करून घेतली व समाधान व्यक्त केले. रविंद्र कदम यांनी सूत्रसंचालन केले .
‘आरोग्य सेवा ही प्रत्येकाची मूलभूत गरज आहे. आर्थिक अडचणीमुळे कोणालाही उपचारांपासून वंचित राहू नये, यासाठी हा कायमस्वरूपी उपक्रम सुरू केला आहे. देहूरोड व परिसरातील सर्व गरजवंतांनी दर गुरुवारी या सेवेचा लाभ घ्यावा. देहूरोड येथील आधार हॉस्पिटल ही सेवा उपलब्ध असून अधिक माहितीसाठी मो. ९२२५६५३७९८ वर संपर्क साधावा.’ डॉ.महेश कुदळे, वैद्यकीय संचालक , आधार हॉस्पिटल , देहूरोड .
✍🏻संपादक – देवराम भेगडे
