किवळे -विकासनगर, रावेत परिसरात ७७ वा प्रजासत्ताक दिन उत्साहात साजरा , प्रभातफेरी, कवायत , सांस्कृतिक कार्यक्रमांचे आयोजन
किवळे : विकासनगर, किवळे व रावेत परिसरात विद्यार्थ्यांची प्रभातफेरी, कवायत, सांस्कृतिक कार्यक्रम, विविध स्पर्धांचा पारितोषिक वितरण समारंभाने ७७ वा प्रजासत्ताक दिन मोठ्या उत्साहात साजरा करण्यात आला.
विकासनगर येथील महापालिकेच्या ह.भ.प.मल्हारराव तरस प्राथमिक शाळा येथे मुख्याध्यापिका अनुजा सोनगरे यांच्या हस्ते ध्वजवंदन करण्यात आले . विद्यार्थ्यांनी कवायत व लेझीम प्रात्यक्षिक सादर केले . यावेळी नगरसवक धर्मपाल तंतरपाळे , निलेश तरस नगसेविका ऐश्वर्या तरस रेश्मा कातळे , गुणवंत कामगार रवींद्र कदम , शशिकांत तावडे, राजेंद्र नेटके , विशाल तरस यांच्यासह शाळा व्यवस्थापन समितीचे पदाधिकारी, पालक व ग्रामस्थ आदि उपस्थित होते . सर्व शिक्षिकांनी संयोजन केले.
किवळेतील महापालिकेच्या श्री बापदेव महाराज प्राथमिक शाळेतील विद्यार्थ्यांनी सकाळी गावातून प्रभात फेरी काढून देशाच्या व स्वच्छता जनजागृतीच्या घोषणा दिल्या. शाळेच्या प्रांगणात मुख्याध्यापिका सरस्वती भेगडे यांच्या हस्ते ध्वजवंदन करण्यात आले. विद्यार्थींनी सांस्कृतिक कार्यक्रम , साधन व लेझीम कवायत सादर केले . यावेळी नगरसेवक निलेश तरस , धर्मपाल तंतरपाळे , रेश्मा कातळे , ऐश्वर्या तरस यांचेसह , पोलीस पाटील दिलीप तरस , युवा नेते नवनाथ तरस , राजेंद्र तरस , शाळा व्यवस्थापन समितीचे पदाधिकारी, ग्रामस्थ ,पालक व महिला आदि उपस्थित होत्या.
किवळे येथील बापदेव मंदिर प्रांगणात श्री बापदेव महाराज ट्रस्टचे अध्यक्ष , माजी नगरसेवक बाळासाहेब तरस यांच्या हस्ते ध्वजवंदन झाले . यावेळी पदाधिकारी व ग्रामस्थ उपस्थित होते .
विकासनगर येथील विस्डम इंग्लिश मिडीयम हायस्कूल ७७ वा प्रजासत्ताक दिन मोठ्या हर्षोल्हासात व देशभक्ती वातावरणात पार पडला.महात्मा गांधी, डॉ. बाबासाहेब आंबेडकर,, पंडित जवाहरलाल नेहरू यांच्या प्रतिमेचे नवनिर्वाचित नगरसेविका रेश्मा कातळे, , ऐश्वर्या तरस यांनी पूजन करून पुष्पहार अर्पण केला. यावेळी तुकाराम भोंडवे, शाळेचे अध्यक्ष जयशंकर जयसिंग, सर्व पदाधिकारी , मुख्याध्यापिका गायत्री धामणेकर,, शेरीन कुरियन आदि मान्यवरांच्या हस्ते पारंपारिक दीप प्रज्वलन केले.
नगरसेवकांचा सत्कार : नगरसेविका रेश्मा कातळे, ऐश्वर्या तरस, नगरसेवक निलेश तरस यांचा धर्मपाल तंतरपाळे यांचा सत्कार करण्यात आला.
✍🏻संपादक – देवराम भेगडे
