देहूतील विद्यालयात खो-खो च्या मैदानाचे भूमिपूजन उत्साहात
विद्यार्थ्यांनी निश्चित ध्येय ठेवून यश मिळवावे- भांबरे
देहू : संत तुकाराम महाराज जन्मोत्सव सोहळ्यानिमित्त अभंग प्रतिष्ठान यांच्या माध्यमातून महिंद्रा लॉजिस्टिक प्लांट यांच्या सहकार्यातून देहूतील संत तुकाराम विद्यालय व संत जिजाबाई कन्या विद्यालयातील विद्यार्थ्यांसाठी खो-खो खेळासाठी सुसज्ज मैदानाचे भूमिपूजन करण्यात आले .
खो-खो खेळाचे मैदानाचे भूमिपूजन देणगीदार नारायण मोरे व महिंद्रा लॉजिस्टिकचे ऑपरेशन हेड निंबा भांबरे यांच्या हस्ते नुकतेच करण्यात आले. यावेळी एच .आर. मॅनेजर अभिजीत सांगळे, माथाडी कामगार नेते सचिन चौधरी , इंद्रजीत भिसे, सुनील कुंभार , स्वप्निल सोवळे, मच्छिंद्र चौधरी , निलेश खोडदे , प्रतीक टावरे , अक्षय पवार , नगरसेवक प्रवीण काळोखे , नारायण पचपिंड, विजय मोरे, अभंग प्रतिष्ठानचे अध्यक्ष सचिन निंभोरे , उपाध्यक्ष सलीम मुलानी, तुषार पवार आदि उपस्थित होते .
संत जिजाबाई कन्या विद्यालयाच्या मुख्याध्यापिका निविदिता पासलकर, पर्यवेक्षिका मनीषा निकम, संत तुकाराम विद्यालयाच्या पर्यवेक्षिका स्वालेहा पठाण यांनी मान्यवरांचे स्वागत केले.
मैदानाचा वापर जास्तीत जास्त विद्यार्थ्यांनी करावा व आयुष्यामध्ये यश मिळवावे , असे मत एच. आर मॅनेजर अभिजीत सांगळे यांनी व्यक्त केले. विद्यार्थ्यांनी सर्व क्षेत्रांमध्ये ध्येय ठेवून यश मिळवावे असे मत महिंद्रा लॉजिस्टिकचे ऑपरेशन हेड निंबा भामरे यांनी व्यक्त केले.
सुसज्ज अशा खो-खो च्या मैदानाचा वापर करून आमचे विद्यार्थी व विद्यार्थिनी तालुका, विभागीय, राज्य तसेच राष्ट्रीय पातळीवर नाव कमावतील, अशी ग्वाही विद्यालयाच्या मुख्याध्यापिका निवेदिता पासलकर यांनी दिली .
कार्यक्रमाचे प्रास्तविक अभंग प्रतिष्ठानचे प्रा . विकास कंद यांनी केले . सूत्रसंचालन सुनील घुमटकर यांनी केले . रयत बँकेचे संचालक व राष्ट्रीय खो -खो प्रशिक्षक संदीप चव्हाण यांनी आभार मानले
✍🏻संपादक – देवराम भेगडे
