संतभूमी न्यूज इम्पॅक्ट : विकासनगर रस्त्यावर मनपाने मारले पांढरे पट्टे : वाहनचालकांत समाधान
किवळे : महापालिकेने किवळे -विकासनगर भागातील रस्त्यावर बांधलेले गतिरोधक दिसत नव्हते . बाह्यवळण महामार्ग ते विकासनगर दरम्यान एक किलोमीटर अंतरात एकूण ११ गतिरोधक असून संबंधित गतिरोधकांवर पांढरे पट्टे नसल्याने अपघाताला निमंत्रण मिळत होते . वाहनचालक व नागरिक पुरते त्रस्त झाले होते . वाहनचालकांना गतिरोधक न दिसल्याने वाहने आदळून अपघात होत होते . याबाबत संतभूमी न्यूजने बातमी प्रसिद्ध केल्यानंतर मनपा अधिकाऱ्यांनी दखल घेत गतिरोधकांवर रविवारी पांढरे पट्टे मारले असून वाहनचालकांनी समाधान व्यक्त केले आहे .
किवळे -विकासनगर भागात सार्वधिक वर्दळीच्या ओळखला जाणारा बाह्यवळण महामार्ग ते विकासनगर या एक किलोमीटर अंतराच्या रस्त्यावर एकूण ११ गतिरोधक बांधण्यात आलेले आहेत. गेल्या अनेक महिन्यांपासून पांढरे पट्टे मारलेले नव्हते . विकासनगर ते देहूरोड दरम्यान कॅन्टोन्मेंट हद्दीतील महापालिकेने डांबरीकरण केलेल्या रस्त्यावरील गतिरोधकांवर पांढरे पट्टे मारलेले नव्हते . परिणामी रात्री अनेक वाहने आदळून तसेच अचानक गतिरोधक दिसल्याने अपघात होण्याचे प्रमाण वाढले होते . याबाबत नगरसेवक धर्मपाल तंतरपाळे यांनीही संबंधितांना पांढरे पट्टे मारण्यासाठी सूचना दिल्या होत्या .
✍🏻संपादक – देवराम भेगडे
