चिंचवड प्रभाग क्र. १८ मधील भाजपच्या सर्व उमेदवारांना विजयी करा : आमदार सुरेश धस यांचे आवाहन
चिंचवड : येथील गावठाण , केशवनगर प्रभाग क्र. १८ भाजपा–आरपीआय (आठवले) पक्षाचे अधिकृत उमेदवार सुरेश भोईर यांच्या केशवनगर येथील जनसंपर्क कार्यालयात आमदार सुरेश धस यांनी उमेदवार , कार्यकर्त्यांची व मतदारांची भेट घेतली. यावेळी त्यांनी प्रभागातील भाजपच्या सर्व उमेदवारांना मोठ्या मताधिक्याने विजयी करण्याचे आवाहन केले .
आमदार सुरेश धस यांनी सुरेश भोईर यांच्यासह कार्यकर्त्यांशी चर्चा करीत प्रचाराचा आढावा घेतला . शहरात कोणते पक्ष कोणाविरुद्ध लढत आहे याची माहिती घेतली . शहरात कार्यकर्त्यांचा व मतदारांचा उत्साह पाहता भाजपची सत्ता येणार असल्याचे स्पष्ट होत असल्याचे स्पष्ट केले .
चिंचवड प्रभागातील सुरेश भोईर , अपर्णा डोके , मोरेश्वर शेडगे व मनिषा चिंचवडे हे सर्व प्रभागातील विकासकामांच्या माध्यमातून सक्रिय आहेत . सुरेश भोईर हे गेल्या मनपा निवडणूकीत सर्वाधिक मतांनी विजयी झाले होते . त्यांचे कुटुंब धार्मिक वारसा जपणारे असून समाजकारण व राजकारणात कार्यरत आहे. भोईर यांच्या कामाचा आवाका मोठा असून महिला , तरुणांपासून जेष्ठांपर्यंत सर्व घटक त्यांच्या पाठीशी उभे असल्याने त्यांचा विजय सुकर झाला आहे .
चिंचवड प्रभागातील नागरिकांनी नेहमीच भाजपवर विश्वास दाखवला आहे. शहराचा सर्वांगीण विकास करण्याची क्षमता भाजपकडेच असल्याने मोठ्या संख्येने कार्यकर्ते भाजपमध्ये प्रवेश करत आहेत . भाजपमुळे शहरात विकासकामांना गती मिळाली असल्याचे धस यांनी सांगितले.
✍🏻संपादक – देवराम भेगडे
