देहूरोड परिसरात वारकऱ्यांसाठी अन्नदानासह  व विविध उपक्रम 

 देहूरोड परिसरात वारकऱ्यांसाठी अन्नदानासह  व विविध उपक्रम 

देहूरोड   : संत  तुकाराममहाराजांचा पालखी सोहळा देहूरोड कॅन्टोनमेंट बोर्डाच्या हद्दीतून जात असताना झेंडेमळा ते निगडी दरम्यान देहूरोड परिसरातील संरक्षण विभागाचे विविध डेपो ,कामगार संघटना , चिंचोली, किन्हई , किवळे-विकासनगर परिसरातील  विविध संस्था, संघटना व  व्यक्तींकडून फराळ व अन्नदान करण्यात आले तसेच विविध उपक्रम राबविण्यात आले.
र्चिचोलीतील समस्त ग्रामस्थ व गावातील विविध सार्वजनिक मंडळे मंगळवार  व बुधवार  दोन दिवस वारकऱ्यांना  चहा-नाष्टा, भोजनाची व्यवस्था केली होती. झेंडेमळा येथील ग्रामस्थांच्या  वतीने सकाळी वारकर्यांसाठी नाश्ता व चहाची व्यवस्था करण्यात आली होती. देहूरोड केंद्रीय आयुध भांडार येथे  विविध कामगार संघटना, कामगार सहकारी पंतसंस्था वतीने ब्रिगेडियर विकांत गंभीर  यांच्या हस्ते वारकरी व भाविकांना अन्नदान करण्यात आले .  अनेक  लष्करी अधिकारी , जवान, वर्कस्  कमिटी सदस्य, कामगार प्रतिनिधी व कामगार  उपस्थित होते.

          तळेगाव येथील आयुध भांडाराच्या वतीने  फराळ व  अन्नदान  करण्यात आले. लष्करी अधिकारी व सर्व युनियनचे पदाधिकारी व कामगार उपस्थित होते.

    किन्हई फाटा येथे समस्त ग्रामस्थ किन्हई आदींनी अन्नदान केले. चिंचोलीतील पालखी विसावा स्थळी  इस्कॉनच्या वतीने बुधवारी सकाळपासून हजारो वारकर्यांची  भोजनाची व्यवस्था करण्यात आली होती.  चिंचोली गावातील  अनेक नागरिकांनी वारकर्यांना  जेवणाची व्यवस्था केली होती. गावाच्या परिसरात अनेक दिंड्या उतरल्याने सर्वत्र वारकरी दिसत होते. चिंचोली-अशोकनगर येथे डीओडी डेपो कामगार संघटनाच्या वतीने वारकर्यांना फराळ व आवश्यक वस्तूंचे वाटप करण्यात आले. एमईएस ( गेरीसन इंजिनिअर्स ) कामगार संघटना व पतसंस्था यांच्या वतीने वारकर्यांचे व दिंड्यांचे स्वागत करण्यात आले. नाष्टा व बिस्कीट पाकिटे देण्यात आली. चिंचोली ते देहूरोड दरम्यान लष्कराचे विविध विभाग व कॅन्टोनमेंट बोर्डाच्या वतीने पिण्याच्या पाण्याची  व्यवस्था करण्यात आली होती.  ज्येष्ठ नागरिक संघाने फराळ वाटप केला.देहूरोड लायन्स क्लबच्या वतीने वारकर्यांना लाडू वाटप करण्यात आले. बोर्डाच्या वतीने ठिकठिकाणी कचरा टाकण्यासाठी घंटागाड्या उभ्या करण्यात आल्या होत्या.
देहूरोड येथे शंकरराव शेलार पतसंस्था ,  अमरदेवी नागरी पतसंस्था , विनायका नागरी पतसंस्था यांनी वारकर्यांना अन्नदान केले. देहूरोड वीरस्थळ -देहू फाटा येथे राजे श्री छत्रपती मराठा सोसायटीच्या वतीने दिंडी प्रमुखांचा सत्कार करण्यात आला. शिवछत्रपती तरुण मित्र मंडळ ( किवळे ), ओंकार टेलर्स व  जरे परिवार ,  आर्ट ऑफ लिव्हिंग ,  ज्येष्ठ नागरिक संघ,   एमईएस व  डीएडी डेपो कामगारांच्या वतीने फराळ व पाण्याची व्यवस्था करण्यात आली होती. रोहिदास दांगट पाटील यांनी छत्र्या वाटप केल्या . 
    देहूरोड येथील आयुध  निर्माणीतील सर्व कामगार संघटनेच्या वतीने सर्व दिंड्यांचे स्वागत करून सर्वांना छत्री, मिठाईचे व फराळाचे बंद पुडे देण्यात आले.