श्रीक्षेत्र देहूत विविध संताच्या गाथा पारायणासह त्रिदिवसीय किर्तन महोत्सव :सकल संत विचार समितीच्या वतीने शनिवारपासून आयोजन
देहू : सकल संत विचार समितीच्या वतीने संत चोखामेळामहाराज, श्री संत कान्होबाराय, संत सेना महाराज, संत गोरोबाकाका महाराज, संत सावतामहाराज, संत बहिणाबाई गाथा पारायण व कीर्तन महोत्सव येत्या शनिवारपासून (दि.१०जानेवारी ) सुरू होणार असून सोमवारी ( दि. १२ जानेवारी ) काल्याच्या किर्तनाने सोहळ्याची सांगता होणार असल्याचे समितीचे अध्यक्ष ह.भ.प. संतोषमहाराज काळोखे यांनी सांगितले .
श्रीक्षेत्र देहू येथील इंद्रायणी नदीच्या पुलाजवळ असलेल्या संत चोखामेळा महाराज मंदिर प्रांगणात गाथा पारायण सोहळ्याचे आयोजन करण्यात आले असून शनिवारीपासून (दि . १० ) दररोज पहाटे ४ ते ६ काकडा भजन, सकाळी ८ ते १ गाथा पारायण, दुपारी १ ते ३ महिला मंडळांची भजने, सायंकाळी ५ ते ६ हरिपाठ व सायंकाळी ७ ते ९ दरम्यान हरिकिर्तन होणार आहेत .
त्रिदिवसीय सोहळ्यात होणारी किर्तने :
शनिवारी ह.भ.प. महावीर महाराज सूर्यवंशी, रविवारी ह.भ.प. पोपट महाराज कासारखेडेकर यांचे किर्तन होणार असून सोमवारी सकाळी १० ते १२ दरम्यान ह.भ.प. रंगनाथ महाराज नाईकरे यांचे काल्याचे किर्तन होणार आहे . कीर्तनानंतर महाप्रसाद वाटप होणार आहे .
संत चोखामेळा महाराज पुरस्कार :
सकळ संत विचार समितीच्या वतीने अहिल्यानगर येथील प्रविण कदम यांना संत चोखामेळा महाराज पुरस्कार संत तुकाराम महाराज संस्थानचे अध्यक्ष ह.भ.प .जालिंदरमहाराज मोरे व आमदार सुनिल शेळके यांचे हस्ते सोमवारी देण्यात येणार असल्याचे सांगण्यात आले आहे .
✍🏻संपादक – देवराम भेगडे
