स्वच्छता, समाजसेवा आणि अंधश्रद्धा निर्मूलनासाठी केलेले कार्य प्रेरणादायी – नगरसेवक धर्ममाल तंतरपाळे
विकासनगरमध्ये संत गाडगे महाराज जयंती स्वच्छता अभियानाने साजरी ,
आरोग्य विभागातील कर्मचाऱ्यांचा सत्कार
किवळे : स्वच्छता, समाजसेवा आणि अंधश्रद्धा निर्मूलनासाठी महान कार्य केलेल्या संत गाडगेबाबांनी महाराष्ट्रातील अस्वच्छता दूर करून हातात झाडू घेऊन समाज प्रबोधन केले. कीर्तनातून साध्या राहणीचे व शिक्षणाचे महत्त्व पटवून दिले , असे प्रतिपादन नगरसेवक धर्मपाल तंतरपाळे यांनी केले .
विकासनगरमध्ये रिपब्लिकन पार्टी ऑफ इंडिया
, फुले, शाहू,आंबेडकर विचार मंच व मनपा आरोग्य विभाग यांच्या संयुक्त विद्यमाने संत गाडगे महाराज यांची जयंती स्वच्छता अभियान राबवून साजरी करण्यात आली. त्यावेळी तंतरपाळे बोलत होते . संत गाडगेबाबांच्या प्रतिमेस माजी नगरसेवक बाळासाहेब तरस व ज्येष्ठ नागरिक संघाचे अध्यक्ष नानासाहेब डोईफोडे यांच्या हस्ते पुष्पहार अर्पण करण्यात आला . यावेळी मनपाच्या आरोग्य विभागातील सफाई कामगारांचा मान्यवरांच्या हस्ते सत्कार करण्यात आला. कार्यक्रमाला सामाजिक कार्यकर्ते राजेंद्र तरस , सुरेश लुणावत, गुणवंत कामगार रविंद्र कदम, राजेंद्र महाले, सुनील गडहिरे, आरपीआयचे दिलीप कडलक, सामाजिक कार्यकर्ते बापूसाहेब गायकवाड,दिलीप रोकडे, माणिक एकाड, वाघ , राजु येवते, अंकुश तरस, मेघराज तंतरपाळे, देवराव ढोके, जीत पवार, अंकुश कुडले, आंनद रामराजे, आदि मान्यवर उपस्थित होते.
विकासनगर भागात स्वच्छता अभियान राबवून संत गाडगेबाबांना अभिवादन करण्यात आले .
तरस , डोईफोडे व कदम यांनी मनोगत व्यक्त केले . राजेंद्र तरस व रविंद्र कदम यांनी आभार मानले.
✍🏻संपादक – देवराम भेगडे
