सुवासिनिंनी पारंपारिक वेशभूषा करून वटपोर्णिमा पारंपारिक पध्दतीने उत्साहात केली साजरी
किवळे : विकासनगर , किवळे,रावेत , मामुर्डी देहूरोड, ,चिंचोली, किन्हई, शेलारवाडी , गहुंजे व सांगवडे परिसरातील सुवासिनींनी रविवारी दुपारनंतर वडाच्या झाडाची पूजा करून आपल्या पतीसाठी दीर्घआयुष्याची व सात जन्म हाच पती मिळावा अशी मागणी करीत वटपोर्णिमा ( ज्येष्ठ पौर्णिमा ) सण मोठ्या उत्साहात साजरा केला . सुवासिनिंनी पारंपारिक वेशभूषा करून , नटून थटून वडाच्या झाडाची मनोभावे पूजा केली .
महासती सावित्रीने आपल्या पतीचे प्राण परत मिळविण्यासाठी यमराजाला भक्तीने संतुष्ट केले व आपल्या पतीचे प्राण परत मिळविले . ज्या वृक्षाखाली तो पुन्हा जिवंत झाला , तो वृक्ष वडाचा होता . आणि तो दिवस ज्येष्ठ शुध्द पौर्णिमेचा होता . त्यावेळी सावित्रीने वडाची मनोभावे पूजा केली . या प्रसंगाची आठवण म्हणूनही महिला वडाची पूजा करतात . अशी कथा सांगितली जाते . त्यानुसार सर्व सुवासिनी वटपोर्णिमेच्या दिवशी वडाची पूजा करतात.
देहूरोड, किवळे , विकासनगर , चिंचोली , रावेत, गहुंजे व सांगवडेतील सुवासिनिंनी पारंपारिक वेशभूषा करून , नटून थटून वडाच्या झाडाची पूजा केली . सुवासिनींनी वडाची पूजा करून सात प्रदक्षिणा मारून झाडाला दोरा गुंडाळला . तेथे जमलेल्या सुवासिनींनी एकमेकींना हळदी-कुंकू लावून एकमेकींची आंब्याने ओटी भरली . त्याचप्रमाणे रविवारी वटपोर्णिमेच्या सणानिमित्त घरोघरी गोडधोड व पुरणपोळ्या बनविल्या होत्या .
✍🏻संपादक – देवराम भेगडे
