रावेतमध्ये धर्मनाथ  उत्सवानिमित्त सोमवारपासून हरिनाम सप्ताह

रावेतमध्ये मोठ्या प्रमाणात नागरीकरण झाले असताना जपली परंपरा; धर्मनाथ  उत्सवानिमित्त सोमवारपासून हरिनाम सप्ताह:  गाथा पारायणासह  कीर्तनांचे आयोजन 

रावेत  : परिसरात  मोठ्या प्रमाणात नागरीकरण झाले असून गावातील परंपरा राखत  विविध सण -उत्सव व कीर्तनाच्या माध्यमातून प्रबोधनाचे कार्यक्रमही  मोठ्या उत्साहात साजरे केले जात आहेत. रावेतगावचे ग्रामदैवत श्री धर्मनाथ महाराज बीज  वार्षिक उत्सवानिमित्त  येथील समस्त ग्रामस्थ मंडळाच्या  वतीने सोमवारपासून  (दि १२ जानेवारी) अखंड  हरिनाम  सप्ताहाचे आयोजन करण्यात आले आहे.  सप्ताहात    काकडआरती  , गाथा पारायण  ,  हरिपाठ , कीर्तने  कार्यक्रम नियमित होणार आहेत  . सप्ताहाला  सोमवारी हभप प्रमोदमहाराज पवार यांच्या किर्तनाने सुरुवात होणार असून रविवारी ( दि १८ जानेवारी ) हभप उमेशमहाराज दशरथे  यांच्या काल्याच्या कीर्तनाने  सप्ताहाची सांगता होणार आहे .

    अखंड  हरिनाम सप्ताहाचे  उदघाटन सोमवारी  सकाळी कलश, वीणा , टाळ व मृदूंग पूजनाने ग्रामस्थांच्या उपस्थितीत  होणार आहे.  सप्ताहात  दररोज पहाटे काकडाआरती  , सकाळी आठ ते बारा गाथा पारायण  , सायंकाळी पाचला हरिपाठ, सायंकाळी  सात ते नऊ दरम्यान कीर्तने  कार्यक्रम होणार आहेत . सोमवारी ह.भ.प.प्रमोदमहाराज पवार , मंगळवारी  हभप चैतन्यमहाराज निंबोळे , बुधवारी हभप महावीरमहाराज सुर्यवंशी  , गुरुवारी हभप चंद्रकांतमहाराज वांजळे   , शुक्रवारी  सागरमहाराज शिर्के ,  शनिवारी  हभप श्रीकांतमहाराज पातकर    रविवारी  सकाळी  हभप उमेशमहराज  दशरथे यांच्या काल्याच्या कीर्तनाने हरिनाम सप्ताहाची सांगता होणार असून त्यानंतर महाप्रसाद वाटप होणार असल्याचे सांगण्यात आले आहे .