मुंबई – पुणे महामार्गावर देहूरोडला नादुरुस्त पीएमपीला प्रवाशांचा दे धक्का
देहूरोड : पीएमपीएलच्या एका नादुरुस्त बसला प्रवाशांनीच देहूरोडच्या लोहमार्गाच्या पुलाच्या चढावर चक्क बस ढकलून सुरू करण्याचा प्रयत्न केल्याची घटना समोर आली आहे. या प्रकारामुळे प्रवाशांची मोठी गैरसोय झाली असून काही काळ वाहतूकीलाही अडथळा निर्माण झाला होता .
महामार्गवरच पीएमपी नादुरुस्त झाल्याने प्रवाशांना रस्त्यावरच अडचणींचा सामना करावा लागला. वडगाव मावळ- निगडी मार्ग क्रमांक ३०५ वर धावणारी बस ( MH 14 HU 5829 ) शनिवारी (दि . २०) रात्री पावणेआठच्या सुमारास देहूरोडकडून निगडीकडे जाताना पुलाच्या चढावरच बंद पडली . अखेर बसमधील प्रवाशांनी बस ढकलत नेली . पीएमपीच्या देखभालीबाबत पुन्हा प्रश्न उपस्थित झाले आहेत
✍🏻संपादक – देवराम भेगडे
