प्रा. प्रवीण चरडे यांना “बेस्ट अचीव्हमेंट अवॉर्ड”
देहूरोड : यांत्रिकी अभियांत्रिकी क्षेत्रातील उल्लेखनीय संशोधन कार्याबद्दल यांत्रिकी अभियांत्रिकी सहाय्यक प्राध्यापक प्रा. प्रवीण चरडे यांना “बेस्ट अचीव्हमेंट अवॉर्ड फॉर बेस्ट रिसर्च पेपर” या पुरस्काराने नुकतेच सन्मानित करण्यात आले.
“Review of New Hybrid Material for 2-Wheeler Dashboard” या त्यांच्या संशोधन पेपरला आंतरराष्ट्रीय परिषदेमध्ये विशेष गौरव प्राप्त झाला आहे . दुचाकी वाहनांच्या डॅशबोर्डसाठी अधिक हलके, मजबूत व टिकाऊ हायब्रिड मटेरियल विकसित करण्याच्या दृष्टीने केलेले हे संशोधन उद्योग आणि शैक्षणिक क्षेत्रासाठी महत्त्वपूर्ण ठरणारे आहे.
चिंचवड येथील रामकृष्ण मोरे नाट्यगृहात आयोजित “स्पंदन 2K26” या वार्षिक समारंभात सिद्धांत कॉलेज ऑफ इंजिनिअरिंग यांच्या हस्ते हा पुरस्कार प्रदान करण्यात आला. प्रा. चरडे हे अध्यापनासोबत संशोधन व नवोपक्रम उपक्रमांत सक्रिय असून विद्यार्थ्यांना संशोधनाची प्रेरणा देत आहेत. त्यांच्या या यशाबद्दल सर्व स्तरांतून अभिनंदनाचा वर्षाव होत आहे.
✍🏻संपादक – देवराम भेगडे
