प्रभाग १६ : धर्मपाल तंतरपाळे , ऐश्वर्या तरस , रेश्मा कातळे , निलेश तरस विजयी : शिवसेना तीन , भाजप एका जागेवर विजयी ; किवळे- विकासनगरमध्ये जल्लोष
किवळे : पिंपरी चिंचवड मनपा सार्वत्रिक निवडणूकीत भाजपला मोठे यश मिळाले मात्र प्रभाग क्रमांक १६ – किवळे -रावेतमध्ये भाजप आरपीआय युतीचे धर्मपाल तंतरपाळे तसेच शिवसेना उमेदवार ऐश्वर्या तरस , रेश्मा कातळे , निलेश तरस हे विजयी झाले आहेत .
शुक्रवारी सकाळी मतमोजणी सुरू झाल्यानंतर सुरुवातीपासून शिवसेनेचे उमेदवार आघाडीवर होते . आघाडी वाढत राहिल्याने किवळे गावठाण , मुकाई चौक , कातळे वस्ती व विकासनगर भागात शिवसेना कार्यकर्त्यांसह किवळे ग्रामस्थांनी जेसीबी यंत्रातून भंडारा- गुलालाची उधळण करीत फटाके फोडले .
प्रभाग १६ अ मधून सुरुवातीला आघाडीवर असलेले बाळासाहेब ओव्हाळ यांचा अटीतटीच्या लढतीत भाजप उमेदवार धर्मपाल यशवंत तंतरपाळे ६७६ मतांनी पराभव केला . तंतरपाळे यांना १४८६३ तर ओव्हाळ यांना १४१८७ मते मिळाली .
प्रभाग १६ ब मध्ये शिवसेना उमेदवार ऐश्वर्या राजेंद्र तरस यांनी १७७८१ मते घेत विजय मिळविला . प्रभाग १६ क मध्ये शिवसेना उमेदवार रेश्मा बापू कातळे यांनी सर्वाधिक २००४० मते घेत विजय मिळवला . प्रभाग १६ ड मध्ये शिवसेना उमेदवार निलेश गुलाब तरस यांनी १७६०२ मते घेत विजय मिळवला.
✍🏻संपादक – देवराम भेगडे
