पालखी मार्गावर चिंचोलीत मोटारीचा अपघात ; मोटारीसह घराचे मोठे नुकसान 

देहुरोड  : देहूरोड- देहू संत तुकाराम महाराज पालखी मार्गावर लष्करी हद्दीतील चिंचोली येथे रविवारी पहाटेच्या सुमाराम  देहूरोडहून देहूकडे जाणारी मोटार विरुद्ध दिशेच्या घराची सीमाभिंत तोडून आत शिरली .सुदैवाने अपघातात कोणतीही  जवितहानी झाली नाही .

       घटनास्थळी मिळालेल्या प्राथमिक माहितीनुसार रविवारी (दि १५ ) पहाटे चारच्या सुमारास देहूरोडहून देहूकडे जाणारी मोटार चिंचोली येथील गणेश सोसायटीजवळ असलेल्या गतीरोधकावरून पुढे गेल्यानंतर विरुद्ध दिशेला मुख्य रस्त्यापासून सुमारे १५ – २० फुट अंतरावर असलेल्या एका घराची सीमाभिंत तोडून  आत गेली . जोरदार धडक बसल्याने घरापुढे  उभ्या असलेल्या  दुचाकीसह संबंधित मोटार व सीमाभिंतीचे मोठे नुकसान झाले आहे .