गणेश भक्तांसाठी आनंदाची बातमी; नववर्षात तीन वेळा अंगारक चतुर्थीचा योग :
मंगळवारी या वर्षातील पहिली अंगारक चतुर्थी
देहू : गणेश भक्तांसाठी सन २०२६ मध्ये तीन वेळा अंगारक संकष्टी चतुर्थी येत आहे .धार्मिक मान्यतेनुसार या दिवशी गणरायाची पूजा केल्यास जीवनातील अडथळे दूर होतात आणि सकारात्मक ऊर्जा प्राप्त होते. वर्षभरात एक किंवा दोन वेळा अंगारक चतुर्थी येत असते . मात्र २०२६ या वर्षात मध्ये तीन वेळा हा योग येत आहे. त्यामुळे गणेश मंदिरांमध्ये दर्शनासाठी भाविकांची गर्दी वाढण्याची शक्यता व्यक्त करण्यात येत आहे. विविध गणेश मंदिरांमध्ये विशेष पूजा, अभिषेक, अथर्वशीर्ष पठण, गणेश यज्ञ आयोजन केले जाणार आहे.
या वर्षातील अंगारक चतुर्थी :-
पंचांगानुसार वर्षी जानेवारी महिन्यात मंगळवारी ६ तारखेला, मे महिन्यात मंगळवारी ५ तारखेला आणि सप्टेंबर महिन्यात मंगळवारी २९ तारखेला अशा एकूण तीन अंगारकी चतुर्थी असणार आहेत.
