ताथवडेत मुकाई चौक ते मनपा बस धडकली बीआरटीच्या लोखंडी कठडयांना , स्टेअरिंग तुटल्याने झाला अपघात , बससह लोखंडी कठड्यांचे नुकसान
किवळे : पीएमपीएल बस नादुरुस्त होण्याचे प्रमाण वाढत असून शनिवारी रात्री १० च्या सुमारास किवळेतील मुकाई चौक ते पुणे मनपा या मार्गावरील ( मार्ग क्रमांक ३५ ) बस बीआरटीतून जात असताना ताथवडे गावाजवळ बसचा स्टेअरिंग रॉड तुटून अपघात झाला.
बीआरटीतून जात असलेल्या बसचा (एमएच १४ एच यु ५८३८) स्टेअरिंग रॉड तुटल्याने बस बीआरटीच्या सात-आठ लोखंडी कठड्याला धडकल्याने अपघात झाला . सुदैवाने बस संबंधित कठड्याला धडकून थांबविण्यात चालकाला यश आल्याने मोठा अनर्थ टळला आहे . अपघातात बसमधील प्रवासी सुरक्षित असल्याचे चालकाने सांगितले . मोठा अपघात टळला असला तरी पीएमपीएल प्रशासन मोठ्या जीवघेण्या अपघाताची वाट पाहत आहे का ? असा संतप्त सवाल प्रवाशांमधून उपस्थित केला जात आहे.
बीआरटी मार्गावर धावत असताना नादुरुस्त होणाऱ्या बसबाबत प्रवाशांनी संबंधित बसेसच्या देभभाल व दुरूस्तीवर मोठे प्रश्नचिन्ह उपस्थित केले आहे.
✍🏻संपादक – देवराम भेगडे
