चिंचोलीत गणेश मूर्ति प्राणप्रतिष्ठापना व्दितीय वर्धापनदिन , श्री गणेश जन्मोत्सवानिमित्त मंगळवारपासून ३ दिवस विविध धार्मिक कार्यक्रमांचे आयोजन : हभप श्रीकांत महाराज पातकर यांची प्रवचने
देहूरोड : चिंचोली येथे गणेश मूर्ति प्राणप्रतिष्ठापना व्दितीय वर्धापनदिन आणि श्री गणेश जयंतीनिमित्त मंगळवारपासून ( दि.२० जानेवारी ) ३ दिवस विविध धार्मिक कार्यक्रमांचे आयोजन करण्यात आले आहे . ह.भ.प. श्रीकांत महाराज पातकर यांची गणेश अथर्वशीर्ष या विषयावर ३ दिवस प्रवचने होणार आहेत .
चिंचोलीतील समस्त ग्रामस्थ व साईनाथ मित्र मंडळ यांच्या विद्यमाने श्री गणेश मंदिर येथे मंगळवारी (दि २०) ह.भ.प.श्रीकांत महाराज पातकर यांचे सायंकाळी साडेपाच ते साडेसहा दरम्यान गणेश अथर्वशीर्ष विषयावर प्रवचन होणार आहे . त्यानंतर सायं. ६:४५ ते ८:१५ पर्यंत चिंचोलीतील श्रीगुरुदेव दत्त भजनी मंडळाची भजन सेवा होणार आहे . रात्री सव्वाआठ वाजता आरती होणार आहे .
बुधवारी ( दि. २१ ) ह.भ.प.श्रीकांत महाराज पातकर यांचे सायंकाळी साडेपाच ते साडेसहा दरम्यान गणेश अथर्वशीर्ष विषयावर प्रवचन होणार आहे . त्यानंतर सायं. ६:४५ ते ८:१५ पर्यंत चिंचोलीतील ज्ञानेश्वरी महिला भजनी मंडळाची भजन सेवा होणार आहे . रात्री सव्वाआठ वाजता आरती होणार आहे .
श्री गणेश जयंती उत्सव :
गणेश जयंतीनिमित्त गुरुवारी (दि. २२) ह.भ.प. श्रीकांत महाराज पातकर यांचे गणेश अथर्वशीर्ष व गणेश जन्म विषयावर सकाळी साडेनऊ ते साडेदहापर्यंत प्रवचन होणार आहे . त्यानंतर सामुदायिक अथर्वशीर्ष पठण सकाळी १०:४५ ते ११:४५ दरम्यान होणार असून दुपारी १२ वाजता श्री गणेश जन्म , पाळणा व आरती होणार आहे . दुपारी १२ ते २ दरम्यान महाप्रसाद वाटप होणार असून दुपारी ४ ते सायंकाळी ६ वाजेपर्यंत श्री भैरवनाथ भजनी मंडळ यांची भजन सेवा होणार आहे . रात्री ८ वाजता आरती होणार आहे .
✍🏻संपादक – देवराम भेगडे
