देव – देवतांच्या मूर्ती प्रतिष्ठापनेचा २४ वा वर्धापन दिन : गहुंजेत मंगळवारपासून अखंड हरिनाम सप्ताहाचे आयोजन
गहुंजे : येथे देव- देवतांच्या मूर्ती प्रतिष्ठापना २४ व्या वर्धापन दिनानिमित्त मंगळवारपासून ( दि.१० मार्च) अखंड हरीनाम सप्ताहाचे आयोजन करण्यात आले आहे . सप्ताहात गाथा पारायण , अखंड वीणा पहारा , विविध धार्मिक कार्यक्रम , महिला भजनी मंडळांची भजने , हरिपाठ , प्रख्यात कीर्तनकारांची कीर्तने व पंचक्रोशीतील भजनी मंडळांचा हरिजागर होणार आहे . काल्याच्या कीर्तनाने सोमवारी ( दि.१६ ) सप्ताहाची सांगता होणार आहे .
समस्त गावकरी मंडळ, ज्ञानेश्वर भजनी मंडळ, रुक्मिनी भजनी मंडळ , चौंडाई माता उत्सव कमिटी यांचे संयुक्त विद्यमाने गहुंजे गावात ग्रामदैवत चौंडाई माता, भगवान शंकर , हनुमंतराय या देवतांच्या मूर्ती प्रतिष्ठापना वर्धापन दिनानिमित्त मंगळवारपासून पहाटे चार ते सहा काकडाआरती , ह.भ.प. यतिराजमहाराज लोहर, ह.भ.प. विलासमहाराज बागल यांच्या नेतृत्वाखाली सकाळी ८ ते १२ व दुपारी ३ ते ५ दरम्यान गाथा पारायण , दुपारी बारा ते तीन महिला मंडळाची भजने , सायंकाळी ५ ला हरिपाठ , सायंकाळी ७ वाजता कीर्तन व रात्री साडेनऊनंतर हरिजागर असे दैनंदिन कार्यक्रम होणार आहेत .
सप्ताहात होणारी कीर्तने :
सप्ताहात मंगळवारी ह.भ.प. जालिंदरमहाराज वाजे , बुधवारी ह. भ. प. बंडातात्या कराडकर , गुरुवारी ह.भ.प. ज्ञानेश्वरमहाराज कदम, शुक्रवारी ह.भ.प. चैतन्यमहाराज निंबोळे , शनिवारी ह.भ.प. केशवमहाराज नामदास यांची कीर्तने होणार आहेत . सोमवारी ( दि.१६ ) सकाळी दिंडी मिरवणूक झाल्यानंतर दहा वाजता ह.भ.प.धनंजयमहाराज भगत यांचे काल्याचे कीर्तनाने सप्ताहाची सांगता होणार आहे मंगळवारपसून अनुक्रमे धर्मराज , साईनगर , रूक्मिनी , घोरवडेश्वर , श्रीराम , रुक्मिनी महिला भजनी मंडळाची भजने होणार आहेत . .मावळ व मुळशी तालुक्यातील तसेच पुणे परिसरातील नामवंत गायक व मृदंग वादक कीर्तनाला साथसंगत करणार आहेत. ह.भ.प. गणेश महाराज मोहिते , ह.भ.प. सुखलाल बुचडे , अरुणमहाराज येवले तसेच पंचक्रोशीतील सांगवडे , मामुर्डी , किवळे , पाचाणे , दारूम्ब्रे , सोमाटणे , गोडूम्ब्रे , साळुंब्रे , शिरगाव , वराळे आदि . भजनी मंडळांचा हरिजागर होणार असल्याचे सांगण्यात आले .
