महाराष्ट्र प्रदेश भारतीय जनता युवा मोर्चाचे कृष्णराज महाडिकांचे मावळात स्वागत
कृष्णराज महाडिकांचे मावळात स्वागत
मावळ : भारतीय जनता पार्टीचे युवा नेते कृष्णराज महाडिक यांची महाराष्ट्र प्रदेश भारतीय जनता युवा मोर्चाचे अध्यक्षपदी निवड झाल्याबद्दल त्याचे पुणे जिल्हा ग्रामीण व मावळ तालुका भाजपाच्या वतीने मुंबई पुणे द्रुतगती मार्गावरील उर्से टोल नाका येथे स्वागत करण्यात आले.
महाडिक यांनी कार्यकर्त्यांना बरोबर घेऊन महाराष्ट्रात संघटनेचे कार्य भारतीय जनता युवा मोर्चाच्या माध्यमातून तळागाळापर्यंत पोहोचवणे व जनसामान्याचे प्रश्न सोडवणेसठी आपण सर्वजण प्रयत्न करूया , असे आवाहन केले.
यावेळी देहू -देहूरोड शहर मंडल भाजपाचे अध्यक्ष रघुविर शेलार यांनी स्वागत केले . शेलार यांनी महाडिक यांना भावी राजकीय व सामाजिक कार्यास शुभेच्छा दिल्या . युवकांमध्ये ऊर्जा,संघटन कौशल्य व स्पष्ट विचारधारा रुजवण्याचे काम कृष्णराज महाडिक सातत्याने करत असून त्यांच्या नेतृत्वाखाली महाराष्ट्रात युवा मोर्चा अधिक बळकट होईल , असा विश्वास व्यक्त केला.
भाजप कार्यकर्ते व पदाधिकारी यांच्यावतीने पुणे जिल्हा भाजपा म्हणून संघटनात्मक कामामध्ये आम्ही सदैव आपल्याबरोबर राहू , असा शब्द दिला. वडगाव अंदर मावळ मंडल अध्यक्ष अभिमन्यू शिंदे यांनी सूत्रसंचालन व मावळ तालुकाच्या वतीने त्यांचे स्वागत केले. जिल्हा भाजपाचे अध्यक्ष गणेश कवडे यांनी आभार मानले .
✍🏻संपादक – देवराम भेगडे
