संतभूमी बातमीचा परिणाम : देहूरोडमध्ये चुकीचे अनधिकृत गतिरोधक काढल्याने वाहन चालकांत समाधान : सुर्यकांत सुर्वे यांच्या मागणीला यश
देहूरोड : संतभूूमी न्यूजमध्ये बातमी प्रसिद्ध होताच कॅन्टोन्मेंट बोर्डाने विकासनगर व एम बी कॅम्प रस्त्यावर चुकीच्या पद्धतीने बांधलेले गतिरोधक गुरुवार व शुक्रवारी रात्री उशीरा काढण्यात आले.
कॅन्टोन्मेंट बोर्डाने शंभर मीटर अंतरात चक्क आठ-आठ असे एकूण १६ गतिरोधक उभारण्यात आले होते. सर्व गतिरोधक इंडियन रोड काँग्रेसचे निकष डावलून उंबाऱ्यासारखे उंच तसेच दोन फुटावर दोन दोन गतिरोधक बांधल्याने दुचाकीस्वार व मोटारचालक त्रस्त झाले होते . गतिरोधक बांधल्याने दोन दिवसांत अनेक महिलांच्या दुचाकीस्वारांचा गतिरोधकांमुळे अपघात झाला असल्याचे नागरिकांनी सांगितले होते .
याबाबत संतभूमी न्यूजमध्ये ‘ देहूरोडला चुकीचे गतिरोधक ‘ या शीर्षकाने सविस्तर बातमी प्रसिद्ध केली होती . संबंधित गतिरोधकांवर अनेक वाहने आदळून तसेच अचानक गतिरोधक दिसल्याने अपघात होण्याचे प्रमाण वाढले असून गतिरोधक नियमानुसार बांधावेत अशी मागणी परिसरातील वाहन चालकांतून होत होती . भाजपचे शहर उपाध्यक्ष सुर्यकांत सुर्वे यांनी देहूरोड कॅन्टोन्मेंटचे मुख्य कार्यकारी अधिकारी यांना निवेदन दिले होते . अपघात टाळण्यासाठी निकष पालन करून गतिरोधक बांधावेत , अशी मागणी सुर्वे यांनी केली होती .
✍🏻संपादक – देवराम भेगडे
