सप्ताहासाठी मंडप उभारणीला झाली सुरुवात
देहूरोड : श्रीक्षेत्र भंडारा डोंगर येथे २३ जानेवारी २०२६ ते ३१ जानेवारी २०२६ दरम्यान अखंड हरिनाम सप्ताहाचे आयोजन करण्यात आले आहे . माघ शुद्ध दशमी सोहळा २८ जानेवारीला संपन्न होणार आहे .
संत ज्ञानेश्वर महाराजांच्या सप्तशतकोत्तर सुवर्णमहोत्सवी जन्मोत्सव, संत नामदेव महाराज व संत जनाबाई यांच्या षष्ठशतकोत्तर अमृतमहोत्सवी संजीवनी समाधी सोहळा संत ज्ञानोबाराय व संत तुकोबाराय पालखी सोहळ्याचे जनक संत तपोनिधी नारायण महाराज देहूकर यांच्या त्रिशतकोत्तर अमृतमहोत्सवी प्रकट्यवर्ष, संत तुकाराम महाराज यांच्या त्रिशतकोत्तर अमृतमहोत्सवी सदेह वैकुंठगमन सोहळ्या निमित्त माघ शुद्ध दशमी सोहळ्यानिमित्त श्री क्षेत्र भंडारा डोंगर अखंड हरिनाम सप्ताह होणार आहे .
हरिनाम सप्ताहात कीर्तन , पारायण , भक्ती, नामस्मरण, हरिकथा संपन्न होणार आहे.
या सोहळ्यासाठी श्रीक्षेत्र भंडारा डोंगर येथे मंडप उभारणीचे काम सुरू झाले आहे . संपूर्ण परिसर भक्तीमय वातावरणात सज्ज होत आहे. या सोहळ्याचा लाभ सर्व वारकरी, भाविक व भक्तांनी घ्यावा, असे आवाहन करण्यात आले आहे .
✍🏻संपादक – देवराम भेगडे
