नरवीर तानाजी वाडीतील श्री विठ्ठल रुक्मिणी मंदिराच्या ९५ व्या वर्षपूर्तीनिमीत्त अखंड ९५ तास
‘ज्ञानदेव तुकाराम’ नामजप यज्ञ सोहळ्याला उत्साहात सुरुवात
पुणे : शहरातील नरवीर तानाजी वाडी येथील श्री विठ्ठल रुक्मिणी मंदिराच्या ९५ व्या वर्षपूर्तीनिमीत्त अखंड ९५ तास ‘ज्ञानदेव तुकाराम’ नामजपाला
गुरुवारी (दि २२ जानेवारी) सायंकाळपासून मोठ्या उत्साहात सुरुवात झाली .
पुण्यातील नरवीर तानाजी वाडी येथील स्व. विष्णुपंत कुशाबा भोसले पाटील व समस्त गांवकरी यांच्या सहकार्याने सन १९३० मध्ये बांधलेल्या श्री विठ्ठल रुक्मिणी मंदिराच्या ९५ व्या वर्षपूर्ती निमीत्त सलग ९५ तास ‘ज्ञानदेव तुकाराम ‘ नामजप यज्ञ सोहळा होत आहे .
नाम जप यज्ञ माघ शुद्ध चतुर्थी गुरुवार दि. २२ जानेवारी संध्याकाळी ६ ते माघ शुद्ध अष्टमी सोमवार दि.२६ जानेवारी संध्याकाळी ७.०० वाजेपर्यंत वारकरी संप्रदायातील अनेक नाम जय सिद्ध केलेले ज्येष्ठ नामधारक, तपस्वी, सिद्ध साधु संतांच्या पावन सान्निध्यात, टाळ मृदंगाच्या गजरात संपन्न होणार आहे.
नाम जप प्रारंभ गुरुवारी सायंकाळी ह.भ.प. श्रीगुरु पुंडलिक महाराज देहूकर यांच्या प्रमुख उपस्थितीत संपन्न झाला . पंचदिनी नाम जप यज्ञाला
आळंदीतील संत ज्ञानेश्वर महाराज संस्थानचे प्रमुख विश्वस्त योगी निरंजननाथ यांचेसह सदामहाराज वारकरी , ह.भ. प. बळीराममहाराज मेहूणकर ह.भ.प. अवधूत गांधी ह.भ.प.सदानंद बापू गायकवाड (वाई), भालचंद्र भोसले , किसून गायकवाड हिरालालजी कासट, बाळासाहेब बढे यांची उपस्थिती लाभणार आहे . दररोज महापूजा व आरती मधूसुदन नागपूरे करणार आहेत .
अखंड ९५ तास चालणाऱ्या नाम जप यज्ञाची सांगता सोमवारी (दि. २६ जानेवारी) देहूतील
संत तुकाराम महाराज संस्थानचे अध्यक्ष ह.भ.प. जालिंदर महाराज मोरे यांचे हस्ते समारोप आरतीने होणार आहे .
दरम्यान नाम जप यज्ञासाठी अनेक कीर्तनकार, प्रवचनकार , देहूकर , आळंदीकर , पुणे पंचक्रोशील विविध भजनी मंडळे ,ग्रामस्थ , पालखी सोहळ्यातील विविध दिंड्यातील वारकरी आदि उपस्थित राहणार आहेत .
