नरवीर तानाजी वाडीतील श्री विठ्ठल रुक्मिणी मंदिर ९५ वर्षपूर्ती : रविवारी देव द्विज गुरु पाद्य पूजन, दर्शन, आशिर्वचन सोहळा
पुणे : शिवाजीनगर -नरवीर तानाजीवाडी येथील श्री विठ्ठल रुक्मिणी मंदिरात येत्या रविवारी श्री विठ्ठल रुक्मिणी मंदिर ९५ वर्षपूर्तीनिमित्त रविवारी (दि . ८ ) देव द्विज गुरु पाद्य पूजन, दर्शन, आशिर्वचन सोहळा संपन्न होणार आहे .
येत्या रविवारी ( दि. ८) श्री गजानन महाराज प्रकट दिनाचे औचित्य साधत दुपारी २ ते ३ दरम्यान
श्री अंबामाता महिला भजनी मंडळ पोलीस लाईन, पोलीस मुख्यालय (शिवाजीनगर ) यांच्या वतीने विष्णुसहस्रनाम १०० पाठ होणार आहेत .
ज्ञानवृद्ध, तपोवृद्ध, वयोवृद्ध, ऋषितुल्य जीवनाचे पाद्यपूजन , दर्शन व आशिर्वचन सोहळा :
वाराणसी येथील परम पूजनीय वेदमूर्ती पद्मश्री श्री गणेश्वर शास्त्री द्राविड , आळंदी येथील ह. भ. प. शांतिब्रह्म मारुती बाबा कुर्हेकर , आळंदी येथील परम पूजनीय पाटील काका, भागवताचार्य , ज्ञानेश्वरी कंठस्थ ह. भ. प. पांडुरंग महाराज क्षीरसागर, बेळगाव येथील परमपूज्य शिवाजी दादा कागणीकर व पुणे शहरातील ह. भ. प. माऊली टाकळकर यांचे देव द्विज गुरु प्राज्ञ (पाद्य) पूजन, दर्शन, आशिर्वचन सोहळा दुपारी ३ ते ५ दरम्यान होणार आहे . भगवत्साक्षात्कारी व जीवनमुक्त ब्रह्मनिष्ठांच्या पूजन,दर्शनाचा, आशिर्वचनाचा सोहळ्याचा अपूर्व योग जरूर साधावा, असे आवाहन देवस्थानकडून करण्यात आले आहे .
