महाराष्ट्र संघाच्या उपकर्णधारपदी श्रेया महेश तरस

किवळे  : स्कूल गेम्स फेडरेशन ऑफ इंडियाच्या वतीने शालेय राष्ट्रीय क्रिकेट स्पर्धेसाठी १७ वर्षांखालील मुलींच्या महाराष्ट्र राज्य संघात किवळे  येथील श्रेया महेश  तरस हिची निवड झाली आहे. श्रेया तरस  राज्य संघाचे उपकर्णधार पद सांभाळणार आहे. संघातील ती  १३ वर्षे ५ महिने अशी सर्वांत कमी वयाची खेळाडू आहे.

श्रेया तरस ही रावेत येथील एस. बी. पाटील पब्लिक स्कूलमध्ये इयत्ता सातवीत शिकत आहे.  जिल्हा परिषदेच्या क्रिकेट स्पर्धेत या १७ वर्षांखालील मुलींच्या स्पर्धेत संघाने विजेतेपद प्राप्तकेले.

     विभागीय स्पर्धेत पिंपरी-चिंचवड शहराचे नेतृत्व करताना श्रेया तरस हिने उत्कृष्ट कामगिरी केली. तिची  नेत्रदीपक कामगिरी लक्षात घेऊन  राज्यस्तरीय स्पर्धेसाठी निवड चाचणी शिबिरासाठी निवड झाली. शिबिरातून तिची महाराष्ट्र राज्य संघात निवड करण्यात आली आहे.

शालेय राष्ट्रीय क्रिकेट स्पर्धा हरियाणातील  रोहतक येथे २९ एप्रिल ते ३ मे या कालावधीत होत आहे. किवळेतील ग्रामस्थांनी तिचे अभिनंदन केले आहे.