चिंचोली जेष्ठ नागरिक संघाचे अध्यक्षपदी तुकाराम जाधव , सचिवपदी विनायक जाधव यांची निवड
देहूरोड : चिंचोली येथील जेष्ठ नागरिक संघाची कार्यकारिणी निवड नुकतीच झाली असून सन २०२६ ते२०२७ या वर्षासाठी अध्यक्षपदी तुकाराम जाधव , सचिवपदी विनायक जाधव व खजिनदारपदी शांताराम बालघरे यांची निवड झाली आहे .
गेल्या नऊ वर्षांपासून चिंचोली गावात जेष्ठ नागरिक संघ विविध सांस्कृतिक उपक्रम राबवत आहे . सामाजिक, धार्मिक तसेच शैक्षणिक क्षेत्रात योगदान देत आहे. संघामार्फत दर वर्षी राष्ट्रीय सणांनिमित्त शालेय विद्यार्थीच कौतुक करून खाऊ वाटप केले जाते. आषाढी वारीत वारकरी संप्रदायातील भाविक, भक्त व वारकरी यांना चिंचोलीतील दुपारच्या पहिल्या विश्रांतीची वेळी आरोग्य सेवा व भोजन व्यवस्था केली जाते .
संघाची यशस्वी वाटचाल सुरू असून नुकतेच १० व्या वर्षांत पदार्पण केले आहे . सन २०२६ ते २०२७ या वर्षासाठी पदाधिकारी व कार्यकारिणी निवड करण्यात आली आहे. अध्यक्षपदी तुकाराम नाना जाधव, सचिवपदी विनायक जाधव, खजिनदारपदी शांताराम बालघरे यांची निवड झाली असून त्यांचा संघाकडून जेष्ठ नागरिकांनी सत्कार करण्यात आला .
✍🏻संपादक – देवराम भेगडे
