रावेतचे ग्रामदैवत धर्मनाथ उत्सवानिमित्त आयोजित अखंड हरिनाम सप्ताहाची सांगता:
किर्तनासह विविध कार्यक्रमांना महिलांची लक्षणीय उपस्थिती
रावेत : रावेतगावचे ग्रामदैवत श्री धर्मनाथ महाराज बीज वार्षिक उत्सवानिमित्त येथील समस्त ग्रामस्थ मंडळाच्या वतीने गेल्या सोमवारपासून (दि १२ जानेवारी ) सुरू झालेल्या अखंड हरिनाम सप्ताह व गुरु चरित्र पारायणाची सांगता रविवारी ( दि १८) काल्याच्या कीर्तनाने झाली . दरम्यान शनिवारी रात्री जागराची कीर्तन सेवा ह.भ.प श्रीकांत महाराज पातकर यांची झाली .
अखंड हरिनाम सप्ताहात दररोज काकडआरती , गुरु चरित्र पारायण , हरिपाठ , कीर्तन सेवा आदि कार्यक्रम संपन्न झाले . हरिनाम सप्ताहाला सोमवारी हभप प्रमोदमहाराज पवार यांच्या किर्तनाने सुरुवात झाली . मंगळवारी हभप चैतन्यमहाराज निंबोळे , बुधवारी हभप महावीरमहाराज सुर्यवंशी , गुरुवारी हभप चंद्रकांतमहाराज वांजळे , शुक्रवारी सागरमहाराज शिर्के , शनिवारी हभप श्रीकांतमहाराज पातकर यांची कीर्तन सेवा झाली .
रविवारी (दि १८) सकाळी हभप उमेशमहाराज दशरथे यांच्या काल्याच्या कीर्तनाने अखंड हरिनाम सप्ताहाची सांगता झाली . त्यानंतर ग्रामस्थ व भाविकांनी महाप्रसादाचा लाभ घेतला .सर्व ग्रामस्थ व भजनी मंडळांनी संयोजन केले . हभप विजय भोंडवे यांनी सुत्रसंचालन केले .
✍🏻संपादक – देवराम भेगडे
