विकासनगर ज्येष्ठ नागरिक संघाचा २० वा  वर्धापनदिन मोठ्या  उत्साहात साजरा

 किवळे   : विकासनगर येथील ज्येष्ठ नागरिक संघाचा २० वा वर्धापन दिन नुकताच मोठ्या उत्साहात संपन्न  झाला.

        कार्यक्रमाच्या सुरुवातीला नगरसेविका ऐश्वर्या राजेंद्र तरस यांचे हस्ते दिप प्रज्वलनाने कार्यक्रमाची सुरुवात झाली . वर्षभरात दिवंगत झालेल्या सभासद व कुटुंबातील व्यक्तींना श्रद्धांजली अर्पण करण्यात आली .

        ज्येष्ठ नागरिक संघाचे सचिव पंढरीनाथ सानप यांनी १९ वर्षाच्या प्रवासाचा आढावा घेतला. या वर्षीचा आदर्श माता पुरस्कार संघाच्या सभासद आशा भराटे यांना देण्यात आला. आयुष्याची .७५ वर्षे पूर्ण केलेल्या संघाच्या सभासदांचा विशेष सत्कार करण्यात आला. संघाने घेतेलेल्या विविध स्पर्धामधील विजेत्यांना बक्षिसे देऊन गौरवण्यात आले.

  सांस्कृतिक कार्यक्रम संपन्न :  

स्वरांजली भजनी मंडळाचे गायन  झाले . मेरी आवाज सुनो या  कराओके गायन ग्रुपच्या  गायनाला उपस्थितांनी प्रतिसाद दिला. एम. डी. चौधरी यांनी माउथ ऑर्गनवर गाणी सादर केली. प्रियंका व अर्चना रोकडे यांनी आकर्षक  रांगोळी काढली होती . संघाचे अध्यक्ष नानासाहेब डोईफोडेंचा यावेळी विशेष गौरव करण्यात आला. गुणवंत कामगार  रवींद्र कदम व सुरेखा वाघ यांनी सूत्रसंचालन केले.

     १९  वर्षांपूर्वी केवळ ७ ज्येष्ठ नागरिकांनी  लावलेल्या रोपट्याचे आज एका वटवृक्षात रूपांतर झाले आहे . संघांचे विद्यमान अध्यक्ष, उपाध्यक्ष, कोशाध्यक्ष, कार्याध्यक्ष, सचिव व विद्यमान पदाधिकारी आजी माजी कार्यकारिणी सदस्य व सर्व सभासद यांनी अत्यंत तळमळीने प्रामाणिकपणे संघात  काम केले आहे. परिणामी संघ नावारूपाला आला आहे .  संघाने प्रत्येक सभासदाचा वाढदिवस, एक मुठी अनाज, संत तुकोबारायांचा पालखी सोहळा , वर्षभरात  पाच ते सहा विविध धार्मिक व प्रेक्षणीय स्थळांना भेटी देण्यासाठी काढलेल्या सहली ,गोरगरीब व अपंग विद्यार्थ्यांना व आश्रमांना अन्नदान , अर्थसहाय्य , मिठाईचे वाटप , कपड्याचे वाटप , इफ्तार पार्टी, पालखी सोहळ्यात भक्तांसाठी,मिठाई व फराळाचे वाटप ,श्रावण महिन्यात भगवान शंकराचे मंदिरात मिठाई व फराळाचे वाटप, झुंबा वर्ग चालविणे ,योगा वर्ग चालविणे, स्वरांजली भजनी मंडळाच्या माध्यमातून सभासदांचे प्रबोधन करणे ,मेरी आवाज सुनो या कराओकेच्या कार्यक्रमातून सर्व सभासद बंधू भगिनींचे मनोरंजन करणे महासंघाच्या विविध कार्यक्रमांमध्ये भाग घेणे, संघाचा वर्धापनंदिन, साप्ताहिक सभा, विविध आरोग्य शिबिरे , मान्यवरांची  व्याख्याने, संघामध्ये आयोजित करणे असे अनेकविध  स्तुत्य उपक्रम राबविले आहेत .

     वर्धापन दिनाला मान्यवरांची उपस्थिती : 

वर्धापन दिनाला  संघाचे सर्व सभासद ,  भागातील सर्व क्षेत्रातील मान्यवर,  नगरसेवक, नगरसेविका, सामाजिक  कार्यकर्ते आदि मान्यवर उपस्थित होते .