मुकाई चौकात गॅस वाहिनीच्या चेंबरमुळे होताहेत अपघात : मनपा अधिकाऱ्यांचे दुुुर्लक्ष
किवळे : बीआरटी मार्गाने रावेतकडून मुंबई , किवळेगाव , विकासनगर , गहुंजे , मामुर्डी आदि भागात जाताना किवळे येथील सर्वाधिक वर्दळीच्या मुकाई चौकात येत असताना वळणावर पदपथ तोडून मुख्य रस्त्यावर एमएनजीएलने मोठे गॅस चेंबर बांधले आहे . या चेंबरवर टाकण्यात आलेली झाकणे सदोष असून चेंबरवर लावण्यात आलेल्या आठ लोखंडी रॉडमुळे गेल्या ३ दिवसांपासून दुचाकी घसरून अपघात होत आहेत .
चेंबरसाठी खोदलेल्या मोठा खड्डाही दुरुस्त केलेला नाही . परिणामी दुचाकींचे दररोज अपघात होत असल्याचे नागरिक व दुचाकीस्वारांनी सांगितले आहे . चारचाकी मोटारीही खड्डा व चेंबर चुकविताना मोठा अपघात होण्याची शक्यता वर्तविण्यात येत असून मनपाच्या संबंधित अधिकाऱ्यांनी तातडीने दखल घ्यावी , अशी मागणी होत आहे .
✍🏻संपादक – देवराम भेगडे
