प्रभाग १६ : किवळे -विकासनगर, रावेतसह मामुर्डीत शांततेत मतदान ; ६२. ४५ टक्के मतदारांनी बजावला मतदानाचा हक्क बजावला
किवळे : रावेत, विकासनगर , किवळे गावठाण व साईनगर ( मामुर्डी ) परिसरात मतदान शांततेत पार पडले. दुपारनंतर मतदानाचा वेग वाढला . किवळे -विकासनगर परिसरातील एकूण ९७ मतदान केंद्रांवर सरासरी मतदारांनी मतदानाचा हक्क बजावला.
प्रभाग १६ मध्ये सुरुवातीला मतदानाचा वेग सर्वत्र कमी होता . सकाळी साडेसात ते साडेअकरा दरम्यान १९. ७१ टक्के मतदारांनी मतदानाचा हक्क बजावला होता . सकाळी साडेसात ते दुपारी साडेतीन दरम्यान एकूण ४५. ८१ टक्के मतदारांनी मतदान केले . यात १८६३८ पुरुष व १५७६५ महिला मतदारांचा समावेश होता . नव मतदारांत उत्साह दिसत होता .
दुपारनंतर मतदानाचा वेग वाढला :
दुपारी चारनंतर मतदानाचा वेग वाढला होता. प्रभागात एकूण ४६ हजार ८९९ मतदारांनी दिवसभरात मतदान केले . मतदानाची एकूण टक्केवारी ६२. ४५ राहिली असून यात २४ हजार ७६३ पुरुषांनी व २२ हजार १६३ महिला मतदारांनी मतदान केले आहे .
विकासनगरच्या विस्डम हायस्कुल केंद्रावर बीएलओंना केंद्राबाहेर बसविले :
विस्डम हायस्कुलच्या आवारात एकूण ११ खोल्यांमध्ये मतदान होते . सकाळी सुरुवातीला प्रवेशद्वाराच्या आत उभारलेल्या मंडपात बीएलओ मतदारांना नावें शोधून मतदान चिठ्ठी वाटप करीत होते . मात्र काही वेळानंतर सर्व बीएलओंना हायस्कुलच्या प्रवेशद्वाराबाहेर बसण्याचे आदेश अधिकाऱ्यांनी दिले मात्र तेथे बसण्यास कोणतीही सोय नसल्याची तक्रार बीएलओंनी केली .
देहूरोड पोलिसांनी वरिष्ठ पोलीस निरीक्षक विक्रम बनसोडे , पोलीस निरीक्षक जगन्नाथ जानकर यांच्या मार्गदर्शनानुसार सर्व मतदान केंद्र परिसरात चोख बंदोबस्त ठेवला होता.
✍🏻संपादक – देवराम भेगडे
