पीएमआरडीए’चे मुळशी तालुका क्षेत्रीय कार्यालय चांदे येथे सुरु ;
पिंपरी-चिंचवड : नागरिकांना अधिक कार्यक्षम, जलद व सुलभ सेवा उपलब्ध करून देण्याच्या उद्देशाने पुणे महानगर प्रदेश विकास प्राधिकरण (PMRDA) मार्फत “मुळशी तालुका क्षेत्रीय कार्यालय, चांदे” पहिले मजला, चांदे ग्रामपंचायत कार्यालय, चांदे–नांदे रोड, मौजे चांदे, ता. मुळशी येथे नुकतेच कार्यान्वित करण्यात आले आहे.
चांदे येथील नवीन कार्यालयामार्फत पीएमआरडीएशी संबंधित भागातील विकासकामे, बांधकाम परवानगी विषयक कामकाज तसेच अनधिकृत बांधकामासंदर्भातील तक्रारी, इतर तक्रारी व निवेदनांची नोंदणी आदी. कामकाज तालुका स्तरावरच करण्यात येणार आहे. त्यामुळे नागरिकांना सेवा अधिक सुलभ, वेळबद्ध व प्रभावीपणे उपलब्ध होणार आहे.
प्रशासन अधिक गतिमान, सुसूत्र आणि नागरिकाभिमुख करण्याच्या दृष्टीने हा उपक्रम महत्त्वपूर्ण ठरणार असून मुळशी तालुक्यातील नागरिकांना स्थानिक पातळीवरच सेवा उपलब्ध होऊन वेळ व श्रमाची बचत होणार असल्याचे प्रशासनाचे म्हणणे आहे.
✍🏻संपादक – देवराम भेगडे
