श्री विठ्ठल रुक्मिणी मंदिर ९५ वर्षपूर्ती समारोप : नरवीर तानाजीवाडीत शनिवारी एकदिवसीय कीर्तन महोत्सवाचे आयोजन
पुणे : छत्रपती शिवाजीनगर – न. ता. वाडीतील श्री विठ्ठल रुक्मिणी मंदिराच्या ९५ वर्षपूर्तीनमित्त शनिवारी (दि . २० जून ) एकदिवसीय कीर्तन महोत्सवाचे आयोजन करण्यात आले आहे .
समस्त गावकरी मंडळ, नरवीर तानाजी वाडी , छत्रपती शिवाजी नगर , श्री विठ्ठल रुक्मिणी भजनी मंडळ तसेच विठ्ठल रुक्मिणी मंदिराचे प्रमुख विश्वस्त माजी आमदार अनिल शिवाजीराव भोसले व माजी नगरसेविका रेश्मा अनिल भोसले यांच्या वतीने मंदिराच्या ९५ वर्षपूर्तीनिमित्त आयोजित एकदिवसीय कीर्तन महोत्सवात शनिवारी (दि . २०/६/२०२६) सकाळी ६ ते सायंकाळी ६ श्रीविग्रह वर्धापन दिन, ९५ वर्षपूर्ती समारोप सोहळ्यानिमित्त सूर्योदय ते सूर्यास्तापर्यंत कीर्तने होणार आहेत .
कीर्तन महोत्सव रूपरेषा :
पहाटे ५.४५ ते ६ – पंचपदी श्री शेडगे पंच मंडळी, दिंडी क्रमांक ४, रथापुढे यांच्याकडून पंचपदी होणार आहे . सकाळी ६ पासून सायंकाळी ६ पर्यंत अनुक्रमे ह.भ.प. बाळू महाराज भक्तिकर ( वै. सोपानकाका देहूकर दिंडी, अश्वामागे क्रमांक २ बेळगांव विभाग), ह.भ.प. संतोष महाराज सुर्वे, नांदेडकर दिंडी क्रमांक १५, रथापुढे) , ह.भ.प. मनोहर महाराज म्होकर, ( समस्त गोऱ्हेकर संस्था, दिंडी क्रमांक ११, रथामागे), ह.भ.प. लहूमहाराज जमदाडे, निकम दिंडी क्रमांक १६, रथापुढे) , ह.भ.प. समस्त डांगे पंच मंडळी, दिंडी क्रमांक ८, रथापुढे, ह.भ.प. राजेंद्र महाराज शास्त्री, ( भोरकर दिंडी क्रमांक १९ रथापुढे ) , ह.भ.प. मोठे कदम माऊली, श्री शेडगे दिंडी क्रमांक ३, स्वा. सु. जोग महाराज वारकरी शिक्षण संस्था यांच्यावतीने किर्तन होणार असून सर्व कीर्तनातील चाली वारकरी पारंपारिक पद्धतीने होणार आहेत .
कीर्तनसाथ देहूकर , आळंदीकर , श्रीकृष्ण कैवल्य वारकरी शिक्षण संस्था, भारतीय वारकरी मंडळ , श्री सद्गुरु सेवा संस्था, पुणे व पिंपरी चिंचवड पंचक्रोशीतील नामांकित गायक , वादक व वारकरी भजनी मंडळे करणार असल्याचे ह.भ.प. श्रीकांत .महाराज पातकर यांनी सांगितले .
✍🏻संपादक – देवराम भेगडे
