देहूरोड-विकासनगर परिसरात कडकडीत बंद: शोक भावनेतून पाळला उत्स्फुर्त बंद
देहूरोड : उपमुख्यमंत्री अजितदादा पवारांच्या अपघाती निधनानंतर पिंपरी चिंचवड , देहूरोड , किवळे , विकासनगर , रावेत , मामुर्डी आणि मावळातील ग्रामीण भागात शोकभावनेतून बंद पाळण्यात आला. या घटनेमुळे सर्वसामान्य नागरिकांपासून राजकीय, सामाजिक व व्यापारी वर्गात तीव्र भावना उमटल्या आहेत . बहुतांशी व्यापाऱ्यांनी कोणतेही आवाहन नसताना स्वयंस्फूर्तीने आपली दुकाने बंद ठेवली होती .
देहूरोड परिसरातील छोट्या-मोठ्या व्यावसायिकांनी, फेरीवाले, बाजारपेठांतील दुकानदारांनीही व्यवहार बंद ठेवले होते . बाजारपेठेतील महात्मा फुले मंडई कडकडीत बंद ठेवली होती . परिसरातील विविध रस्त्यांवर शांतता दिसून आली, तर चौकाचौकात नागरिक एकत्र येऊन शोक व्यक्त करत होते. काही ठिकाणी मौन पाळून, तर काही ठिकाणी फलक व पुष्पहार अर्पण करून भावना व्यक्त करण्यात आल्या. हा बंद केवळ व्यवहार थांबवण्यापुरता मर्यादित न राहता, एका लोकप्रिय नेत्याविषयी जनमानसात असलेल्या आदरभावनेचे प्रतीक ठरला.
रविवारी सायंकाळी देहूरोडमध्ये शोकसभा :
उपमुख्यमंत्री अजितदादा पवार व मावळच्या माजी आमदार रुपलेखाताई ढोरे यांच्या स्मृतीत अभिवादन करण्यासाठी रविवारी (दि . १ फेब्रुवारी ) सायंकाळी ६ वाजता देहूरोड बाजार पेठेतील ऐतिहासीक सुभाष चौक येथे श्रद्धांजली सभेचे सर्वपक्षिय पदाधिकारी व सर्व संघटनांच्या वतीने आयोजन करण्यात आले आहे .
✍🏻संपादक – देवराम भेगडे
