सुदुंबरेतील संत तुकाराम विद्यालयात शालेय साहित्य वाटप : बेंटले सिस्टम कंपनीचा उपक्रम
सुदुंबरे : येथील संत तुकाराम विद्यालयातील इयत्ता ८ वी ते १० वीतील सर्व विद्यार्थ्यांसाठी बेंटले सिस्टम या आयटी कंपनीकडून वही ,दप्तर, कंपास संपूर्ण संच भेट देण्यात आला.
बाळासाहेब किसन गाडे ( सदस्य माजी विद्यार्थी संघ रयत शिक्षण संस्था व उपाध्यक्ष किसान मोर्चा पुणे जिल्हा) यांची सुकन्या तसेच सुदुंबरेतील संत तुकाराम विद्यालय माजी विद्यार्थिनी पूजा प्रविण तांबडे यांच्या प्रयत्नातून शालेय साहित्य वाटप करण्यात आले. कार्यक्रमाच्या अध्यक्षस्थानी पोपट तांबडे होते . यावेळी पूजा तांबडे यांचा विद्यालयाच्या वतीने सत्कार करण्यात आला . कार्यक्रमाला रयत शिक्षण संस्थेचे सदस्य राजेंद्र बाजीराव गाडे, प्रा. सुरेश गाडे, सरपंच मंगल गाडे, उपसरपंच राहुल गाडे, ग्रामपंचायत सदस्य अलका गाडे व सुनंदा गाडे, माजी सरपंच माणिक गाडे , माजी ग्रामपंचायत सदस्य संजय गाडे, सुदुंबरेचे ज्येष्ठ आदर्श नागरिक दत्तात्रय गाडे पाटील, मुख्याध्यापिका कांबळे , भांबूरे , टिळेकर , पठाण , जगताप , संगीता गाडे आदि उपस्थित होते .
✍🏻संपादक – देवराम भेगडे
