राज्य शासनाकडून पंढरीत घोरवडेश्वर दिंडीचा सन्मान अन् २ लाख
देहूरोड : आषाढी एकादशीनिमित्त महाराष्ट्र शासन पर्यावरण विभाग , श्रीक्षेत्र घोरवडेश्वर प्रासादिक दिंडी व मावळ तालुका वारकरी संप्रदाय मंडळ यांच्या संयुक्त विद्यमाने पर्यावरण दिंडी पंढरीच्या द्वारी उपक्रमाचा समारोप पंढरपूर येथील शासकीय विश्रामगृह येथे संपन्न झाला .
पुणे जिह्यातील श्री घोरवडेश्वर प्रासादिक दिंडीचे अध्यक्ष ह.भ .प. मुकुंदमहाराज राऊत यांचा दिंडीच्या विशेष सहकार्याबद्दल बद्दलराज्याचे मुख्यमंत्री देवेंद्र फडणवीस व मंत्री गिरीश महाजन यांचे हस्ते विशेष सत्कार करण्यात आला . उत्कृष्ट नियोजन केल्याबद्दल ह.भ.प.संतोष महाराज शेलार यांचा सन्मान मुख्यमंत्री देवेंद्र फडणवीस यांचे हस्ते सत्कार करण्यात आला . यावेळी अमृता फडणवीस , मंत्री गिरीश महाजन, विठ्ठल रुक्मिणी मंदिरे समितीचे सदस्य ह .भ. प. शिवाजीमहाराज मोरे , सांस्कृतिक सचिव संजय बिकुठे , ह.भ. प. राजूमहाराज मूरे उद्योजक दिलीप राऊत, ह.भ.प.गोरख ठोंबरे , तुळशी वृंदावन सेवा करणाऱ्या लिलाबाई आनंदा गराडे आदि उपस्थित होते .
उत्कृष्ट नियोजनासाठी मान्यवरांच्या हस्ते एक लाख तसेच घोराडेश्वर दिंडीच्या विशेष योगदानाबद्दल रुपये एक लाख असे दोन लाख रुपये मानधन देण्यात आले . महाराष्ट्र सांस्कृतिक पर्यावरण विभाग यांच्या वतीने संतोष महाराज शेलार (सचिव श्रीक्षेत्र घोराडेश्वर प्रासादिक दिंडी) संस्थापक मावळ तालुका वारकरी सांप्रदाय मंडळ यांच्याकडे धनादेश देण्यात आला.
✍🏻संपादक – देवराम भेगडे
