देहूरोड बाजारपेठेत ७७ वा गणतंत्र दिन उत्साहात
देहूरोड : भारतीय प्रजासत्ताक दिनानिमित्त देहूरोड शहरातील मुख्य बाजारपेठतील सुभाषचंद्र बोस चौकात श्रीमती सविता अनिल व्यवहारे यांचे हस्ते ध्वजारोहण झाले.
देशभक्तीची प्रेरणा देण्याच्या उद्देशाने हा उपक्रम राबविला. देहूरोड शहर बाजारपेठेतील ही पहिलीच व ऐतिहासिक घटना असल्याचे व्यापारी वर्गाचे म्हणणे आहे. ‘ बेटी बचाओ, बेटी पढाओ’ ही पंतप्रधान नरेंद्र मोदी यांची योजना आहे. या पार्श्वभूमीवर मुलींच्या हस्ते ध्वजारोहण करण्याचा निर्णय घेतल्याचे देहूरोड शहर धम्मभूमी सुरक्षा समितीचे माजी अध्यक्ष अरूण जगताप यांनी सांगितले.
महिला व मुलींच्या मूलभूत अधिकारासाठीचा संघर्ष अजूनही संपलेला नाही. ग्रामीण भागात सत्तेतील अनेक पदांवर महिला असल्या तरी अधिकार मात्र पती किंवा तिच्या घरातील पुरुषच वापरत असल्याचे दिसून येते. ध्वजारोहणास शहरातील विविध मान्यवर आजी माजी सदस्य,उपाध्यक्ष , व्यापारी आदि उपस्थित होते .
विविध ठिकाणी ध्वजारोहण :
७७ व्या गणतंत्र दिनानिमित्त देहूरोड येथे भारतीय जनता पार्टी व श्रीक्षेत्र घोरावडेश्वर विकास प्रतिष्ठानच्या वतीने श्रीक्षेत्र घोरावडेश्वर डोंगराच्या पायथ्याशी प्रजासत्ताक दिन साजरा करत संविधानातील मूल्ये, राष्ट्रभक्ती व एकतेचा संदेश देण्यात आला. देहूरोड परिसरात विविध ठिकाणी उत्साहात ध्वजारोहण व कार्यक्रम संपन्न झाले. थॉमस कॉलनीतील एकता हाउसिंग सोसायटी, आम्रपाली सोसायटी तसेच बरलोटा नगर येथे नागरिकांच्या सहभागातून प्रजासत्ताक दिन साजरा करण्यात आल्याचे भाजपचे देहूरोड शहर अध्यक्ष रघुविर शेलार यांनी सांगितले .
✍🏻संपादक – देवराम भेगडे
