देहूतील लाईफ केअर क्लिनिक व शेख कुटुंबीयांकडून वारकऱ्यांची सलग तिसऱ्या वर्षी मोफत आरोग्य सेवा
देहूगाव : संतश्रेष्ठ तुकाराम महाराज पालखी सोहळ्यानिमित्त देहू गावठाण येथील शिरीष कुमार मित्र मंडळ आयोजित तसेच रजिया आयुब शेख कै. प्रतिक सुनिल मोरे कै. शिरीष अरुण मोरे यांच्या स्मरणार्थ लाईफ केअर क्लिनिक यांच्या मार्फत वारकऱ्यांसह भाविक भक्तांची मोफत आरोग्य सेवा करण्यात आली . या उपक्रमाचे यंदा ३ रे वर्ष आहे . उपक्रमास हाजी युसुफभाई शेख डॉ. अलिशा सादिक शेख यांचे मोठे सहकार्य होते .
मानव सेवा हीच ईश्वरसेवा मानून सामाजिक कार्यकर्ते मुश्ताक शेख यांची सून डॉ. अलिशा सादिक शेख व संपूर्ण शेख कुटुंबीय यांनी आरोग्य सेवे अंतर्गत वारकऱ्यांची आरोग्य तपासणी करून गरजेनुसार औषधे, गोळ्या, इलेक्ट्रॉल पावडर मोफत वाटप करण्यात आले . तसेच गरजूंना ड्रेसिंग , आरोग्यविषयक सल्ला आदि सुविधा उपलब्ध करून दिल्या होत्या . शेख परिवाराच्या या उपक्रमाचे परिसरात कौतुक होत आहे .
✍🏻संपादक – देवराम भेगडे
