किवळे -विकासनगर भागात पावसाने उडविली दाणादाण: परिसरात पावसाने सर्वच रस्त्यांवर पाण्याची तळी, पाण्यातील खड्डे चुकविताना होताहेत अपघात
किवळे : विकासनगर, मामुर्डी , साईनगर परिसरात पावसाची संततधार सुरु राहिल्याने विविध रस्त्यांवर , किवळे व रावेत येथील द्रुतगती महामार्गाच्या पुलाखाली तसेच मुंबई -बंगळुरू महामार्गावर विविध ठिकाणी पाण्याची तळी साचल्याचे चित्र दिसत होते. किवळे ते विकासनगर पाण्याची डबकी साचल्याचे चित्र दिसून आले. किवळे व देहूरोड परिसरातील विविध अंतर्गत रस्त्यांवर विविध ठिकाणी पाणी साचलेचे दिसत होते.
किवळे , मामुर्डी व विकासनगर परिसरातील बहुतांशी रस्त्यांवर पावसाने पा
मुकाई चौक ते विकासनगर रस्त्यावर धोकादायक खड्डे पडले असून रस्त्यावर मोठ्या प्रमाणात पाणी साचून राहिल्याने पाण्याची तळी निर्माण झाली आहेत . पाण्यातून वाट काढत वाहनांना समस्यांना जावे लागत आहे. विकासनगर परिसरातील विविध अंतर्गत रस्त्यांवर विविध ठिकाणी पाणी साचले आहे. सदोष बांधलेल्या गतिरोधकांजवळ पाणी साचले असून वाहनचालक व पादचाऱ्याची मोठी गैरसोय होत आहे.
अरुंद रस्त्यावर मोटारींचे पार्किंग : प्रशासनाचे दुर्लक्ष
विकासनगर ते मुकाई चौक रस्त्यावर इंद्रप्रभा सोसायटीसमोर अगोदरच पाण्याचे तळे साचले असून पुढे चक्क अरुंद रस्त्यावर दररोज वाहने उभी केली जात असून वाहतुकीला अडथळा होत असतानाही प्रशासन मात्र काहीही कारवाई करताना दिसत नसल्याची तक्रार नागरिकांनी केली आहे .
✍🏻संपादक – देवराम भेगडे
