आळंदीत ज्ञानेश्वरी प्रतिशुद्धी तिथी निमित्त पारायण कीर्तन महोत्सवाला सुरुवात ; वारकरी प्रस्थानत्रयी सेवा समितीकडून आयोजन
आळंदी : वारकरी प्रस्थानत्रयी सेवा समितीच्या
माध्यमातून श्रीक्षेत्र आळंदी येथे श्री संत ज्ञानेश्वर महाराज संजीवन समाधी मंदिरात श्री ज्ञानेश्वरी प्रतिशुध्दी तिथी निमित्त ४ दिवसाचा किर्तन महोत्सवाला रविवारी (दि .२७ ) पहाटेपासून सुरुवात झाली .
रविवारी पहाटे ५ वाजता श्री संत ज्ञानेश्वर महाराजांच्या पादुकांस अभिषेक झाल्यानंतर श्री ज्ञानेश्वरीचे पुजन करून पारायणास सुरुवात करण्यात आली. यावेळी ह.भ.प. चंद्रकांतमहाराज वांजळे, संतोषमहाराज पायगुडे , एकनाथमहाराज कोष्टी , बाळासाहेब खरमाळेमहाराज यांच्यासह सेवा समितीचे पदाधिकारी विजय आण्णा जगताप, आर.के. रांजणे, नगरसेवक सुरेश भोईर, तानाजी काळभोर, विजय जगताप, बाळासाहेब विनोदे, धोंडिबा भोंडवे, धारूमामा बालवडकर,दत्तात्रय भोंडवे, उद्योजक संजय भिसे, राजेंद्र जगताप, जगन्नाथ नाटक पाटील, सुधीर ढगे, कैलास कातळे, इंद्रसिंग राजपूत, योगेश काळभोर आदि उपस्थित होते .
रविवारी सकाळपासून श्री ज्ञानेश्वरी पारायणाला सुरुवात झाली . सायंकाळी ६ ते ८ ह.भ.प. चंद्रकांत महाराज वांजळे यांचे कीर्तन झाले. सोमवारी (दि. २८) ह.भ.प. उमेशमहाराज दशरथे, मंगळवारी (दि. २९) ह.भ.प. माऊलीमहाराज कदम यांची किर्तने होणार आहेत. बुधवारी सकाळी १० ते १२ दरम्यान ह.भ.प.संतोष महाराज पायगुडे यांचे काल्याचे किर्तनाने महोत्सवाची सांगता होणार आहे .
✍🏻संपादक – देवराम भेगडे
