चिंचोलीत शिवजयंती उत्साहात साजरी :
शिवरायांना जेष्ठ नागरिकांकडून मानाचा मुजरा
देहूरोड : येथील ज्येष्ठ नागरिक संघाच्या वतीने महाराष्ट्राचे आराध्य दैवत, छत्रपती शिवाजी महाराज यांचा जन्मोत्सव मोठ्या उत्साहात साजरा करण्यात आला .
“निश्चयाचा महामेरू, बहुत जनांसी आधारू |
अखंडस्थितीचा निर्धारू, श्रीमंत योगी ||” छत्रपती शिवाजी महाराजांची ३९६ वी जयंती गुरुवारी साजरी करीत असताना संत तुकाराम महाराज पालखी मार्गावरील चिंचोलीतील मुख्य चौकातील छत्रपती शिवरायांच्या पुतळ्यास देहूरोड कॅन्टोन्मट
बोर्डाचे सदस्य ॲड . कैलास पानसरे व ज्येष्ठ नागरिक संघाचे अध्यक्ष तुकाराम जाधव यांचे हस्ते पुष्पहार अर्पण करण्यात आला . संघाचे सचिव विनायक जाधव यांचेसह, आजी माजी पदाधिकारी , सभासद व ग्रामस्थ उपस्थित होते .
आपल्या महान राजाचा इतिहास समजून प्रेरणादायक ठरण्यासाठी जन्मोत्सव साजरा करण्यास प्राधान्य देण्यात आल्याचे ज्येष्ठ नागरिकांनी सांगितले.
✍🏻संपादक – देवराम भेगडे
