किवळे -देहूरोड परिसर : शिवलिंगाचे दर्शनासाठी मंदिरांत गर्दी ; महाशिवरात्री मोठ्या उत्साहात साजरी
पहाटेपासून महाअभिषेक, पूजा, आरती , भजन, प्रवचनासह विविध धार्मिक कार्यक्रम
किवळे : महाशिवरात्री यात्रेनिमित्त रविवारी किवळे, देहुरोड परिसरातील बाजारपेठ, विकासनगर रस्ता , किवळे, चिंचोली येथील शिवमंदिरांत भाविकांनी दर्शनासाठी पहाटेपासून गर्दी केली होती. विविध शिवमंदिरात महाअभिषेक, पूजा, आरती , भजन, प्रवचन , फराळ वाटप व विविध धार्मिक कार्यक्रमांचे आयोजन करण्यात आले होते .
विकासनगर ( किवळे ) –देहूरोड रस्त्यावरील देहूरोड येथील बेलेश्वर -शंकर मंदिरात रविवारी पहाटेपासून विविध धार्मिक कार्यक्रम सुरु होते. पहाटे सहाला महारुद्राभिषेक करण्यात आला . सकाळी सातनंतर शिवलीला अमृत ग्रंथाचे पारायण करण्यात आले. सकाळी दहापासून देहूरोड, विकासनगर व किवळे परिसरातील विविध महिला भजनी मंडळे तसेच उत्तर भारतीय हिंदी महिला भजनी मंडळ व शिवशंकर भजनी मंडळ यांची भजने संपन्न झाली. त्यानंतर शिवजप करण्यात आला. . दिवसभर भाविकानी दर्शनासाठी गर्दी केली होती. दर्शनासाठी येणाऱ्या भाविकांना शंकर मंदिर ट्रस्टचे वतीने फराळ वाटप करण्यात आला. सर्व कार्यक्रमाचे संयोजन ट्रस्टच्या वतीने पदाधिकारी व सदस्यांनी केले . विविध कार्यक्रम यशस्वी होण्यासाठी सभासदांनी परिश्रम घेतले. शनिवारी सकाळी महाप्रसादाचा कार्यक्रम आयोजित केलेला आहे .
चिंचोली येथील महादेव मंदिरात पहाटेपासून दिवसभर काकडा आरती व महिला भजनी मंडळांची भजने झाली . दिवसभर खिचडी वाटप करण्यात आली . चिंचोलीतील ग्रामस्थ व हनुमान व्यायाम मंडळाने आयोजन केले होते . कामगार नेते पंडीत जाधव , बाळासाहेब जाधव , मारुती सावंत, प्रकाश जाधव आदिंनी २
पालखी मार्गावरील शनी महादेव मंदिरात पहाटे पूजा करण्यात आली . महिला भजनी मंडळाचा भजनाचा कार्यक्रम संपन्न झाला . दिवसभर भाविक दर्शनासाठी येत होते .शनी -महादेव मंदिर येथे दिवसभर विविध धार्मिक कार्यक्रम आयोजित केले होते. शनैश्वर देवस्थान समितीच्या पदाधिकाऱयांनी संयोजन केले. देहूरोड बाजारपेठेतील वैश्य समाज मंदिर आवारातील शिवमंदिरांत सकाळी अभिषेक करण्यात आला . त्यानंतर भाविकांच्या दर्शनासाठी मंदिर खुले करण्यात आले होते. दिवसभर भजन प्रवचन व महाप्रसादाचे आयोजन करण्यात आले होते. वैश्य समाज मंडळाच्या पदाधिकार्यांनी संयोजन केले. देहूरोड साईनगर रस्त्यावरील मुरगन टेकडीवरील शंकर मंदिरात विशेषतःदक्षिण भारतीय नागरीकांनी दर्शनासाठी गर्दी केली होती.
किवळेतील पवना नदीच्या काठावर जुने केवलेश्वर मंदिर असून रामेश्वर मंदिर म्हणून परिचित असलेल्या या मंदिराला विशेष महत्व असल्याने महाशिवरात्रीनिमित्त बेल, फुले वाहणे , पूजा व दर्शनासाठी किवळे , आदर्शनगर, सांडभोर वस्ती, कोतवालनगर परिसरातील विशेषतः महिला मोठ्या संख्येने गर्दी केली होती. करतात. रावेत गावातील महादेव मंदिरात सकाळपासून विविध धार्मिक कार्यक्रम सुरु होते. दुग्धाभिषेक व दर्शनासाठी भाविकांनी गर्दी केली होती.
