श्री विठ्ठल रुक्मिणी मंदिर ९५ वर्षपूर्ती : देव द्विज गुरु  प्राज्ञ पाद्य पूजन, दर्शन, आशिर्वचन सोहळा उत्साहात संपन्न

पुणे  : शिवाजीनगर – न. ता. वाडीतील श्री विठ्ठल रुक्मिणी मंदिराच्या  ९५ वर्षपूर्तीनमित्त देव द्विज गुरु  प्राज्ञ पाद्य पूजन, दर्शन, आशिर्वचन सोहळा

  मोठ्या  उत्साहात व भक्तीमय वातावरणात संपन्न झाला .

       श्री विठ्ठल रुक्मिणी भजनी मंडळ, समस्त गावकरी मंडळ तसेच  विठ्ठल रुक्मिणी मंदिराचे प्रमुख विश्वस्त माजी आमदार अनिल शिवाजीराव भोसले यांच्या वतीने मंदिराच्या ९५ वर्षपूर्तीनिमित्त झालेल्या सोहळ्यात   संतांचें  सेविलें तीर्थ पायवणी | 

लाज नाहीं मनीं येऊ दिली  ||   या जगद्गुरू  तुकाराम महाराजांच्या  साधक जीवनातल्या स्वानुभुत अंगाचं दर्शन घडवणाऱ्या अभंगाचा  आदर्श डोळ्यासमोर ठेवत  ९५ वर्ष वयाच्या महान  तपस्वी  विभूतीमत्त्वांचे पाद्यपूजन, दर्शन, आशिर्वचन  सोहळा संपन्न झाला.

ज्ञानवृद्ध, तपोवृद्ध, वयोवृद्ध, ऋषितुल्य जीवनाचे पाद्यपूजन , दर्शन व आशिर्वचन सोहळा :

      वाराणसी येथील परमपूज्य वेद वेदांग चक्रवर्ती पद्मश्री गणेश्वर शास्त्री द्राविड यांची पाद्यपूजा घनश्याम रामचंद्र मोहोरे ,  श्रीक्षेत्र आळंदी येथील ह. भ. प. शांतीब्रह्म मारुती महाराज कुर्हेकर यांची पाद्यपूजा सौरभ संजय  भिलारे , श्रीक्षेत्र आळंदी येथील परमपूज्य शरद  पाटील काका यांची

पाद्य पूजा श्री व सौ.ह.भ.प. काजल गणेश काटे भागवताचार्य , ज्ञानेश्वरी कंठस्थ ह.भ.प. पांडुरंग महाराज क्षीरसागर यांची पाद्यपूजा  सौ.व श्री प्रसाद मधुकर घाडगे ,  पुणे येथील   ह. भ. प. माऊली टाकळकर यांची पाद्य पूजा सौ. व श्री. अमोल किसनराव जवळकर यांच्या हस्ते करण्यात आली .पाद्यपूजनानंतर ह. भ. प. शांतीब्रह्म मारुती महाराज कुर्हेकर  ,परमपूज्य शरद पाटील काका व  भागवताचार्य  ह.भ.प. पांडुरंग महाराज क्षीरसागर यांनी आयोजकांचे कौतुक करून ग्रामस्थांसह उपस्थितांना आशिर्वाद दिले .

         राहूल मख्खी व  श्यामकाका जोशी यांनी पौराहित्य केले . ह .भ. प. श्रीकांत महाराज पातकर यांच्या वतीने उपस्थितांना  चहापान व   प्रसाद वाटप करण्यात आला .  दरम्यान दुपारी २ ते ३ पर्यंत

श्री अंबामाता महिला भजनी मंडळ पोलीस लाईन, पोलीस मुख्यालय (शिवाजीनगर ) यांच्या वतीने विष्णुसहस्रनाम १०० पाठ संपन्न झाले  .

         श्री विठ्ठल रुक्मिणी भजनी मंडळ, समस्त गावकरी मंडळ तसेच विठ्ठल रुक्मिणी मंदिराचे प्रमुख विश्वस्त यांनी सोहळ्याचे उत्कृष्ट  संयोजन केले .