विद्यार्थी होणार संगणक साक्षर : देहूतील शाळेला संगणक व प्रिंटर संच भेट
देहूतील जिल्हा परिषद शाळेतील विद्यार्थ्यांना संगणकाची गरज असल्याची माहिती मिळताच संत तुकाराम विद्यालय इयत्ता १० वीच्या सन १९८३-८४ या वर्गातील डॉ. अंजली परांडे यांनी संगणक व प्रिंटर संच मिळविण्यासाठी विशेष पुढाकार घेतला. शाळेचे माजी विद्यार्थी उद्योजक मुस्ताक शेख यांनी सर्व माजी विद्यार्थ्यांच्या वतीने समन्वयकाची भूमिका पार पाडली .
यांच्या उपस्थितीत झाला कार्यक्रम :
कल्पेश संगोई , दिपाली संगोई , डॉ अंजली परांडे, प्रितम वारघडे यांच्या हस्ते शाळेला संगणक संच सुपूर्द करण्यात आला. यावेळी अभंग प्रतिष्ठानचे प्रा.विकास कंद , शाळेतील शिक्षक मलगुंडे , शैलजा पावले , फडके यांच्यासह मुश्ताक शेख , अंकुश झेंडे , ॲड. गोरख टिळेकर ,दत्तात्रय काळडोके , अलका गुरव , सुरेखा हिंगे , संगीता चव्हाण , सुशांत नाईक , अजय काळोखे आदि माजी विद्यार्थी तसेच शाळेतील शिक्षक व विद्यार्थी उपस्थित होते. प्रा. विकास कंद व डॉ अंजली परांडे यांनी मनोगत व्यक्त केले .
‘ सध्याचे युग माहिती तंत्रज्ञानाचे असून शालेय स्तरावरच विद्यार्थ्यांना संगणक हाताळण्याचे कौशल्य प्राप्त झाले पाहिजे. शाळेत संगणकाची प्राथमिक गरजच अपूर्ण होती. सर्वांच्या सहकार्यातून गरज पूर्ण करता आली .’ डॉ अंजली परांडे
✍🏻संपादक – देवराम भेगडे
