महापालिकेच्या महापौर निवडीसाठी ६ फेब्रुवारीला होणार विशेष सभा: आज दुपारी ३ ते ५ दरम्यान अर्ज दाखल करता येणार
पिंपरी : पिंपरी-चिंचवड महापालिकेच्या महापौर, उपमहापौर पदासह स्थायी आणि विविध पाच विशेष समित्यांच्या सदस्यांची निवड येत्या शुक्रवारी ६ फेब्रुवारीला विशेष सभेत होणार आहे. आज सोमवारी दुपारी ३ पासून ५ वाजेपर्यंत इच्छुक नगरसेवकांना अर्ज दाखल करता येणार आहे
महापालिकेचे महापौरपद सर्वसाधारण प्रवर्गासाठी खुले आहे. महापौर व उपमहापौरपदासाठी नामनिर्देशन पत्राचे छापील अर्ज नगरसचिव कार्यालयात उपलब्ध असणार आहेत.
विशेष सभेत महापौर, उपमहापौर, तसेच
स्थायी समिती सदस्य , विधी समिती सदस्य , महिला व बालकल्याण समिती , शहर सुधारणा समिती सदस्य निवड , क्रीडा, कला, साहित्य व सांस्कृतिक समिती व जैवविविधता व्यवस्थापन समिती सदस्य यांची निवड होणार आहे .
महापौरपदासाठी भारतीय जनता पक्षामधील इच्छुकांमध्ये जोरदार रस्सीखेच चालू झाली आहे. पक्षाच्या स्थानिक नेत्यांबरोबरच प्रदेश पातळीवर नेत्यांच्या शिफारशीसाठी प्रयत्न चालू आहेत. महापौरपद सर्वसाधारण गटासाठी खुले असल्यामुळे प्रबळ इच्छुकांनी जोरदार तयारी चालवली आहे.
महापौर पदी कोणाची वर्णी लागणार याची उत्सुकता शिगेला पोहोचली आहे. महापौर पदासाठी शहराध्यक्ष शत्रुघ्न काटे, नगरसेवक सुरेश भोईर, शीतल शिंदे, राहूल कलाटे ,तुषार हिंगे, नितीन लांडगे , रवी लांडगे यांच्या नावांची जोरदार चर्चा रंगली आहे. उपमहापौरपदासाठी तसेच स्थायी समितीसह समित्यांसाठी काही नगरसेवकांनी जोरदार तयारी ठेवली आहे .
✍🏻संपादक – देवराम भेगडे
