विकासनगरमध्ये रक्तदान शिबीर संपन्न : नगरसेवक धर्मपाल तंतरपाळे व निलेश तरस यांचे हस्ते उद्घाटन ; साऊथ इंडियन असोसिएशनच्या शिबीराला चांगला प्रतिसाद
किवळे : विकासनगर येथील साऊथ इंडियन असोसिएशन व एस्. आय. एस्. शेठ एच ए बरलोटा मेमोरियल विस्डम इंग्लिश मिडीयम हायस्कूल यांच्या विद्यमाने शाळेच्या आवारात रक्तदान शिबीर घेण्यात आले . शिबीराला चांगला प्रतिसाद लाभला . शिबीरात ७० पिशव्या रक्त संकलित करण्यात आले .
पिंपरी सिरोझिकल इन्स्टिट्यूट ब्लड बँकेचे टेक्निकल सुपरवायझर डॉ. दीपक पाटील यांच्या मार्गदर्शनाखाली रक्तदान शिबिर घेण्यात आले. “रक्तदान करा व जीव वाचवा” ही संकल्पना ठेवत शिबिराचे आयोजन करण्यात आले होते .
रक्तदान शिबिराचे उद्घाटन प्रभाग क्रमांक १६ चे नवनिर्वाचित नगरसेवक धर्मपाल तंतरपाळे व नगरसेवक निलेश तरस यांच्या हस्ते करण्यात आले. दीप प्रज्वलन संस्थेचे आधारस्तंभ माजी नगरसेवक तुकाराम भोंडवे , अध्यक्ष जयशंकर जयसिंग, संस्थेच्या महासचिव श्रीमती पार्वती बाबू , खजिनदार जेकब जी नाडार, संस्थेचे उपाध्यक्ष ए के प्रेमचंद्रन, शाळेचे उपाध्यक्ष के के पिल्ले व शाळेच्या मुख्याध्यापिका गायत्री धामणेकर सहमुख्याध्यापिका शेरीन कुरियन तसेच समाजसेविका शुभांगी वानखडे यांचे हस्ते झाले .
नवनिर्वाचित नगरसेवक धर्मपाल तंतरपाळे व नगरसेवक निलेश तरस यांचा संस्थेचे आधारस्तंभ तुकाराम भोंडवे व जयशंकर जयसिंग यांच्या हस्ते सत्कार करण्यात आला. यावेळी नगरसेवक तंतरपाळे व तरस यांनी मनोगत व्यक्त केले. त्यांनी आगामी काळात शाळेस सर्वतोपरीने मदत करण्याचे आश्वासन दिले. रक्तदान शिबिरातून सर्वांनी आपली सामाजिक व नैतिक जबाबदारी पार पाडली .
कार्यक्रमाला सर्व शिक्षक व शिक्षकेतर कर्मचारी उपस्थित होते. साउथ इंडियन असोसिएशनचे विश्वस्त एस डेव्हिड नाडार , दिलीपकुमार नायर, गोपाळराव व्यंकोबा तसेच सर्व सदस्य उपस्थित होते. कार्यक्रमाचे सूत्रसंचालन राधिका बक्षी यांनी केले
✍🏻संपादक – देवराम भेगडे
