किवळेत मंगळवारपासून ३ दिवस श्री बापदेव महाराजांचा वार्षिक उत्सव ; बुधवारी रंगणार कुस्त्यांचा आखाडा; गुरुवारी बैलगाडा छकडी स्पर्धेचे आयोजन
किवळे : पवनामाईच्या काठावर वसलेले एकेकाळचे किवळे हे छोटेसे खेडेगाव. सुरुवातीच्या काळात मुंबई- बंगळुरू राष्ट्रीय महामार्गाचा देहूरोड- कात्रज पश्चिम बाह्यवळण रस्ता किवळे गावाच्या हद्दीतून बांधला गेला. नंतर देशातील पहिला यशवंतराव चव्हाण पुणे- मुंबई द्रुतगती महामार्ग किवळेतून सुरु झाल्याने आणि पिंपरी चिंचवड महापालिकेत गावचा समावेश झाल्यानंतर किवळे- सांगवी बीआरटीएस मार्ग बांधणीनंतर चोहोबाजूंनी रस्त्यांचे जाळे निर्माण झाले आहे . परिसरात असलेल्या विविध सोई-सुविधा, दळणवळण, संपर्काची साधने मुबलक प्रमाणात उपलब्ध झाल्याने देशभरातून नोकरी व्यवसायानिमित्त आलेल्या विविध राज्यांतील सामान्य नागरिकांचे व सध्या उच्चभ्रू नागरिकांचे राहण्यासाठी सर्वाधिक कनेक्टिव्हिटी व सुरक्षित ठिकाण म्हणून किवळे ओळखले जाऊ लागलेले आहे.
किवळे गावाशेजारून वाहणाऱ्या पवना नदीजवळ जुने केवलेश्वर मंदिर आहे. आता ते महादेव मंदिर म्हणून परिचित आहे. केवलेश्वरच्या नावावरून गावचे नाव किवळे पडले असल्याचे ग्रामस्थ सांगतात. येथील ग्रामस्थांनी ग्रामदैवत श्री बापदेव महाराज मंदिरांच्या जीर्णोद्ध्वाराचे भव्य दिव्य काम सुरु आहे. गावात दरवर्षी होणारा ग्रामदैवत श्री बापदेव महाराज वार्षिक उत्स
यावर्षी वार्षिक उत्सवात होणारे कार्यक्रम :
श्री बापदेव महाराजांचा वार्षिक उत्सव मंगळवारपासून ( दि.२१ ) पासून गुरुवार ( दि. २३ ) पर्यंत संपन्न होणार आहे. मंगळवारी सकाळी ७ वाजता श्रींची विधिवत महापूजा व अभिषेक होणार आहे . सायंकाळी पाच वाजता श्री बापदेव महाराजांच्या पालखीची मिरवणूक काढण्यात येणार असून रात्री ८ वाजता पारंपरिक वाद्यांवर छबिना मिरवणूक निघणार आहे . सोमवारी सायंकाळी सातनंतर तुकाराम खेडकरसह पांडूरंग मुळे यांचा लोकनाट्य तमाशाचा कार्यक्रम होणार आहे . दुसऱ्या दिवशी बुधवारी सकाळी साडेआठला तमाशाचा हजेरी कार्यक्रम सुरु होणार आहे. त्यानंतर दुपारी साडेबाराला बापदेव महाराजांचा भंडारा उत्सव होणार आहे. उत्सवासाठी ढोल लेझीम पथक , भजन आणि पैलवान मंडळींनी येऊन उत्सवाची शोभा वाढवावी, असे आवाहन समस्त ग्रामस्थ मंडळी व श्री बापदेवमहाराज उत्सव समितीने केले आहे.
निकाली कुस्त्यांचा आखाडा रंगणार ; श्री बापदेव महाराज ‘किताब अन मानाच्या गदा
वार्षिक उत्सवानिमित्त उत्सव समितीकडून अगोदरच ठरलेल्या निकाली कुस्त्यांचा आखाडा होणार आहे . यात प्रामुख्याने ७ मानाच्या निकाली कुस्त्या होणार असून इतर ४५ निकाली कुस्त्यांचे नियोजन करण्यात आलेले आहे. हेत मानाच्या कुस्त्यांसाठी श्री बापदेव महाराज ‘किताब व मानाची गदा, चांदीची गदा , तसेच रोख स्वरूपात बक्षिसे व गौरव चिन्हे देण्यात येणार आहेत .
वार्षिक उत्सवानिमित्त बैलगाडा ( छकडी ) स्पर्धा :
गुरुवार ( दि . २३ ) बैलगाडा ( छकडी ) स्पर्धा आयोजित केलेली आहे. सकाळी ८ ते सायंकाळी ६ पर्यंत स्पर्धा होणार असल्याचे सांगण्यात आले आहे .
